తెలుగు బిగ్బాస్ ఫోర్త్ సీజ‌న్ చివ‌రి ద‌శ‌కు చేరుకుంది. దీంతో వీక్ష‌కుల్లో మ‌రింత ఆశ‌క్తి రేకెత్తించేందుకు బిగ్బాస్ న‌యా ప్లాన్ వేశాడు. ఈ క్ర‌మంలో రానున్న ఎపిసోడ్స్‌ను ర‌స‌వ‌త్త‌రంగా మార్చేందుకు బుధ‌వారం ఎపిసోడ్‌లో భాగంగా ఓ దెయ్యాన్ని హౌస్‌లోకి పంపి హౌస్‌మేట్స్‌ను భ‌య‌పెట్టే ప్ర‌య‌త్నం చేయ‌గా, అది కాస్త రివ‌ర్స్ కొట్టి, బిగ్బాస్ నిర్వాహ‌కుల‌కు పెద్ద షాక్ ఇచ్చింది. దీంతో ఈసారి ఎలాగైన ఇంటి స‌భ్యుల‌ను వ‌ణికించాల‌నే భాగంగా మ‌రింత డోస్ పెంచార‌ని తాజా ప్రోమో చూస్తుంటే తెలుస్తోంది
ఇక అస‌లు మ్యాట‌ర్‌లోకి వెళితే బిగ్‌బాస్‌కు సంబంధించి తాజా ప్రోమో చూస్తుంటే భ‌లే స‌ర‌దాగా అనిపిస్తోంది. హౌస్‌లోకి గార్డెన్‌ ఏరియాను పూర్తిగా శ్మశానంలా మార్చిన బిగ్బాస్, తాజాగా కన్ఫెషన్ రూమ్‌ని కూడా వ‌ద‌ల‌కుండా దెయ్యాల కొంపగా మార్చి, దెయ్యాన్ని లైట్ తీసుకున్న ఇంటి స‌భ్యుల‌కు హ‌ర్ర‌ర్ సినిమా చూపించాడు. అస‌లే మొదటి నుండి దెయ్యం అంటే భ‌యంతో వ‌ణికిపోతున్న అరియానాను టార్గెట్ చేసిన బిగ్బాస్, అవినాష్‌తో క‌లిసి కన్ఫెషన్ రూమ్‌కి పిల‌వ‌గా, అక్క‌డికి వెళ్ళగానే భ‌యంతో ప‌రుగులు పెట్టింది. ఇది చూసిన సొహైల్ అండ్ హారిక‌లు అరియాన‌ను ఆట‌ప‌ట్టిస్తూ తీన్మార్ స్టెప్పులు వేశారు.
తర్వాత లోప‌లికి వెళ్ళిన మోనాల్ డేర్‌గానే ఆడింది. ఒక్క‌తే వెళ్ళిన మోనాల్ భ‌య‌ప‌డుతుంద‌ని భావించి ఏంటి డ‌ర్రా అని సొహైల్ అన‌గా, ష‌ట‌ప్ అంటూ మోనాల్ రిప్లై ఇచ్చింది. బ‌య‌ట‌కు వ‌చ్చిన మోనాల్ ద‌గ్గ‌ర అఖిల్ అండ్ సొహైలు ఓ రేంజ్‌లో కూత‌లు కూసారు. మేము రియ‌ల్ దెయ్యా‌ల‌తోనే ఆడుకున్నామ‌ని, ఈ దెయ్య‌మెంత‌ని హేళ‌న చేశారు. దీంతో బిగ్బాస్ ఎందుకు ఊరుకుంటాడు.. ఇద్ద‌రిని లోప‌లికి పిలిచి ఓరేంజ్‌లో ఆడుకున్నారు. ముందు ఫోజులు కొట్టిన ఇద్ద‌రి కథ లోప‌లికి వెళ్ళాక పూర్తిగా మారిపోవ‌డంతో చాలా ఫ‌న్నీగా అనిపించింది.
లోప‌ల రూమ్‌లో ముందుగా సొహైల్ బిగ్‌బాస్‌ని ఛాలెంజ్ చేశాడు. నువ్వు వేసే ఎఫెక్ట్స్‌కు భ‌య‌ప‌డ‌న‌ని తొడ‌గొట్టి మ‌రీ బిగ్‌బాస్‌ను రెచ్చ‌గొట్టడంతో అస‌లు కథ ఇప్పుడు మొదలైంది. సొహైల్ వ్యాఖ్య‌ల్ని చాలా ప‌ర్స‌న‌ల్‌గా తీసుకున్న బిగ్బాస్ మీ ప‌ని ఇలా ఉందా అనుకుని ఇద్ద‌రికి ఓ రేంజ్‌లో సినిమా చూపించాడు. అక్క‌డ సౌండ్స్ అండ్ ఎఫెక్ట్స్‌కి ఇద్ద‌‌రు గ‌జ‌గ‌జ వ‌ణికిపోవ‌డంతో, వారి అరుపులు విన్న మిగ‌తా ఇంటి స‌భ్యులు క‌డుపుబ్బా మ‌స్త్ న‌వ్వుకున్నారు. ఇక చివ‌రిలో కథ వేరే ఉంట‌ది అంటూ మోనాల్ ఇచ్చిన ఫినిషింగ్ ట‌చ్ అయితే హైలెట్ అని చెప్పాలి. ఆ తర్వాత బ‌య‌ల‌కు వ‌చ్చిన అఖిల్ అండ్ సొహైల్‌లు కెమెరా మందుకు వ‌చ్చి బై మిస్టేక్ ఈ వీడియోలు ఎక్క‌డా వేయొద్ద‌ని, ఇజ్జ‌త్ పొతుంద‌ని బిగ్‌బాస్‌ను రిక్వెస్ట్ చేయ‌డం చూస్తుంటే ఈరోజు ఎపిసోడ్‌లో ఎంట‌ర్‌టైన్‌మెంట్ ట‌న్నుల్లో ఉంటుంద‌ని అర్ధ‌మ‌వుతోంది.
బిగ్గెస్ట్ బ్లాక్ బస్టర్ మూవీస్ ను రిజెక్ట్ చేసిన రాజశేఖర్..!
టాలీవుడ్లో సొంత జెట్ విమానాలు కలిగిన హీరోలు వీళ్ళే..!
ఈ 25 మంది హీరోయిన్లు తెలుగు వాళ్ళే .. వీరి సొంత ఊర్లేంటో తెలుసా?
