హలో లో అక్కినేని ఫ్యామిలీ మొత్తం ఉంటారా?

దాదా సాహెబ్ పాల్కే అవార్డు గ్రహీత అక్కినేని నాగేశ్వరరావు నటించిన ఆఖరి చిత్రం మనం. ఇందులో అక్కినేని నాగార్జున, నాగచైతన్య లతో పాటు చివరన అఖిల్ కూడా మెరిశారు. దీంతో అక్కినేని అభిమానులకు ఇదొక కనుల పండువగా నిలిచింది. విక్రమ్ కె కుమార్ దర్శకత్వంలో తెరకెక్కిన సినిమా అక్కినేని ఫ్యామిలీకి మధుర జ్ఞాపకంగా, సెల్యులాయిడ్ ఆల్బం గా నిలిచింది. ప్రస్తుతం అతని దర్శకత్వంలోనే అఖిల్ హలొ మూవీ చేస్తున్నారు. ఇందులో కూడా అక్కినేని హీరోలు అందరూ నటిస్తున్నారని ఫిలిం నగర్ వాసులు చెప్పారు.

అంతేకాదు అమల, సమంత కూడా కాసేపు మెరుస్తారని సమాచారం. సో అక్కినేని ఫ్యాన్స్ కి ఇది మరో మనంలా కానుంది. అన్నపూర్ణ స్టూడియోస్ బ్యానర్ పై అక్కినేని నాగార్జున భారీ బడ్జెట్ తో నిర్మిస్తున్న ఈ చిత్రంలో హీరోయిన్ గా ప్రముఖ దర్శకుడు ప్రియదర్శన్ కుమార్తె కళ్యాణి హీరోయిన్ గా నటిస్తోంది. ఈ జంట కొత్త ఫీల్ ని అందిస్తుందని సినీ విశ్లేషకులు భావిస్తున్నారు. అఖిల్ స్టెంట్ మాస్టర్ పాత్ర పోషిస్తున్న ఈ మూవీ ప్రపంచ వ్యాప్తంగా గ్రాండ్ గా డిసెంబర్ 22న రిలీజ్ కానుంది.