యంగ్ టైగర్ ఎన్టీఆర్ అద్భుతంగా నటించడమే కాదు.. వేగంగా డ్యాన్స్ వేయగలరు. చిన్నప్పుడు నేర్చుకున్న కూచిపూడి నృత్యంతో పాటు స్వతహాగా ఆయన ఒంట్లో ఉన్న పవర్ తో కఠినమైన స్టెప్పులను సునాయాసంగా వేయగలరు. టాలీవుడ్ లోని ఉత్తమ డ్యాన్సర్లలో తారక్ ఒకరుగా పేరు తెచ్చుకున్నారు. కొన్నిరోజుల క్రితం సూపర్ స్టార్ మహేష్ బాబు కూడా ఎన్టీఆర్ ను మెచ్చుకున్నారు.
ప్రస్తుతం జూనియర్ ఎన్టీఆర్ జనతా గ్యారేజ్ షూటింగ్ లో బిజీగా ఉన్నారు. ఈ సినిమాలో ఒక పాటకు కొరియోగ్రాఫర్ గా వ్యవహరిస్తున్న జానీ మాస్టర్ ఎన్టీఆర్ వేగాన్ని చూసి.. అతకిని 5 జీ స్పీడ్ అని పేరు పెట్టాడు. ఇప్పుడు బాలీవుడ్ నటుడు కూడా తారక్ డ్యాన్సింగ్ టాలెంట్ ని మెచ్చుకున్నారు. అక్షయ్ కుమార్ తన కొత్త సినిమా రుస్తుం ప్రమోషన్లో భాగంగా యాంకర్ ప్రదీప్ షో కొంచెం టచ్ లో ఉంటె చెబుతా షోకి హాజరయ్యారు.
ఈ ఆదివారం జీ తెలుగులో ప్రసారం కానున్న షోలో యాక్షన్ స్టార్ అనేక విషయాలను చెప్పారు. ఈ సందర్బంగా మీకు టాలీవుడ్ లో మీకు నచ్చే నటుడు ఎవరు అని అడిగిన ప్రశ్నకు అక్షయ్ కుమార్ “జూనియర్ ఎన్టీఆర్” అని సమాధానం ఇచ్చారు. అతని నటనతో పాటు డ్యాన్స్ బాగుంటుందని చెప్పారు.
