త్రివిక్రమ్ తో అల్లు అరవింద్ అంత రిస్క్ చేయడులే

“అల వైకుంఠపురములో” సినిమా నిడివి విషయంలో అల్లు అరవింద్ చేతులు పెడుతున్నారని గత కొన్ని రోజులుగా వార్తలొస్తున్న విషయం తెలిసిందే. త్రివిక్రమ్ ఏమో నిడివి ఎక్కువగా ఉండాలని పట్టుబడితే.. అల్లు అరవింద్ ఏమో ఎక్కువ ఉండకూడదని చెబుతున్నారని ఆ వార్తల సారాంశం. ఈ విషయమై చిత్రబృందం స్పందించింది. అసలు త్రివిక్రమ్ ఒకసారి పాయింట్ చెప్పాక కథ-కథనం ఏమిటి అనే విషయాన్నే అడగని మేము నిడివి విషయంలో ఎందుకు వేళ్లు, కాళ్ళు పెడతామని వివరణ ఇచ్చారు.

ఇకపోతే.. ఇటీవలే చిత్రీకరణ పూర్తి చేసుకున్న “అల వైకుంఠపురములో” జనవరి 12న విడుదలకానుండడంతో.. ప్రమోషన్స్ ను వేగవంతం చేయనున్నారు. వచ్చేవారం కొత్త పాట “బుట్టబొమ్మ”ను విడుదల చేయనుండగా.. జనవరి ఫస్ట్ వీక్ లో ప్రీరిలీజ్ ఈవెంట్ ను నిర్వహించేందుకు సిద్ధమవుతున్నారు. అల్లు అర్జున్ సరసన పూజ హెగ్డే కథానాయికగా నటిస్తున్న ఈ చిత్రాన్ని హారిక & హాసిని క్రియేషన్స్ సంస్థ నిర్మిస్తుండగా.. తమన్ సంగీతం అందిస్తున్నాడు.

రూలర్ సినిమా రివ్యూ & రేటింగ్!
ప్రతిరోజూ పండగే సినిమా రివ్యూ & రేటింగ్!