ఆన్ ది స్క్రీన్ సినిమాల్లో పవన్ కళ్యాణ్ – అలీల కాంబినేషన్ కంటే ఆఫ్ ది స్క్రీన్ వాళ్ళ రిలేషన్ పెద్ద సెన్సేషన్. “కాటమరాయుడు” వరకూ ఈ అనుబంధం బాగానే సాగింది కానీ.. ఆ తర్వాత ఎందుకనో ఇద్దరి మధ్య దూరం పెరిగింది. ముఖ్యంగా పవన్ కళ్యాణ్ రాజకీయాల్లో యాక్టివ్ గా పాల్గొనడం మొదలెట్టాక పవన్-అలీల అనుబంధం ముగిసింది అనే చెప్పాలి. ఇక అలీ టీడీపీకి గుడ్ బై చెప్పి.. వై.ఎస్.ఆర్.సి.పిలో జాయిన్ అవ్వడం పెద్ద సెన్సేషన్ కాకపోయినా.. ఎవరూ ఊహించని విషయం. అయితే.. తాజా సమాచారం ప్రకారం అలీ ఇప్పుడు మళ్ళీ పార్టీ మారబోతున్నాడని తెలుస్తోంది.
పవన్ కళ్యాణ్ ఇటీవల బీజేపీతో పొత్తు పెట్టుకున్న విషయం తెలిసిందే. ఇప్పుడు అలీ బీజేపీలో జాయిన్ అవ్వనున్నాడని తెలుస్తోంది. వైసీపీలో తాను ఊహించినట్లుగా ఎన్నికల్లో పాల్గొనడానికి పార్టీ టికెట్ ఇవ్వకపోవడంతోపాటు.. వైసీపీ ప్రభుత్వం ఫామ్ చేసిన తర్వాత తనకంటూ ప్రత్యేకమైన గుర్తింపు ఇవ్వకపోవడంతో అలిగిన అలీ ఇప్పుడు బీజేపీలోకి జంప్ అవుతున్నట్లు రాజకీయ వర్గాల సమాచారం. అయితే.. ఈ తతంగం వెనుక పవన్ హస్తం కూడా ఉందని తెలుస్తోంది. మరి రాజకీయంగా విడిపోయిన పవన్-అలీ.. మళ్ళీ అదే రాజకీయం కారణంగా దగ్గరవుతారేమో చూడాలి.
డిస్కో రాజా సినిమా రివ్యూ & రేటింగ్!
సరిలేరు నీకెవ్వరు సినిమా రివ్యూ & రేటింగ్!
అల వైకుంఠపురములో సినిమా రివ్యూ & రేటింగ్!
