దర్శకధీరుడు రాజమౌళి డైరెక్షన్లో రాంచరణ్, ఎన్టీఆర్ లు హీరోలుగా ‘ఆర్.ఆర్.ఆర్’ వంటి భారీ మల్టీస్టారర్ చిత్రం రూపొందుతున్న సంగతి తెలిసిందే. బ్రిటీష్ కాలం నాటి కథ ఇదని… ఇందులో కొమరం భీమ్ గా ఎన్టీఆర్ .. అల్లూరి సీతారామరాజు గా చరణ్ నటిస్తున్నాడని రాజమౌళి చెప్పిన సంగతి తెలిసిందే. ఇక ఈ చిత్రంలో అల్లూరి సీతారామరాజు మరదలు అయిన ‘సీత’ పాత్రలో బాలీవుడ్ స్టార్ హీరోయిన్ అలియా భట్ కనిపించనుందని అందరికీ తెలిసిన సంగతే. ఈ పాత్ర కోసం ఈమెకు భారీ పారితోషికాన్ని కూడా ఫిక్స్ చేసారు.
ఇక ఈ చిత్రం గురించి తాజాగా ఇచ్చిన ఓ ఇంటర్వ్యూలో అలియాభట్ స్పందించింది. ఆమె మాట్లాడుతూ .. “రాజమౌళిగారి సినిమా అనగానే నేను ఒప్పుకోవడానికి అసలు కారణం ‘బాహుబలి’ వంటి బ్లాక్ బస్టర్ అని అందరూ అనుకుంటారు. కానీ అసలు కారణం ‘బాహుబలి’ కాదు .. ‘మగధీర’. ఈ చిత్రం చూసినప్పటి నుండీ నాకు రాజమౌళి సినిమాలంటే ఇష్టం పెరిగింది. కథాకథనాలను జనరంజకంగా ఆవిష్కరించే గొప్ప దర్శకుడు రాజమౌళి. అలాంటి రాజమౌళి దర్శకత్వంలో చేస్తున్నందుకు చాలా ఆనందంగా వుంది. ఈ సినిమాలో నా పాత్ర చాలా కష్టతరమైనది .. అయినా బాగా చేయడానికి ప్రయత్నిస్తాను”అంటూ చెప్పుకొచ్చింది అలియా .
Home