Alia Bhatt: భయంగా ఉందంటూ పోస్ట్ చేసిన అలియా!

May 19, 2022 / 10:53 PM ISTByFilmy Focus

Join Us

Alia Bhatt: భయంగా ఉందంటూ పోస్ట్ చేసిన అలియా!

బాలీవుడ్ అగ్రతారగా ఎన్నో సినిమాలలో నటించి ఎంతో మంచి గుర్తింపు సంపాదించుకున్న ఆలియాభట్ RRR సినిమా ద్వారా తెలుగు ప్రేక్షకులకు పరిచయమయ్యారు. ఈ విధంగా బాలీవుడ్ ఇండస్ట్రీలో మంచి గుర్తింపు పొందిన ఈమె టాలీవుడ్ కి పరిచయమయ్యారు. అదేవిధంగా ప్రస్తుతం హాలీవుడ్ సినిమాలలో నటించే అవకాశాలను కూడా అందుకుంటున్నారు. నెట్ ఫ్లిక్స్ సంస్థ నిర్మిస్తున్న ‘హార్ట్ ఆఫ్ స్టోన్’ అనే చిత్రం ద్వారా ఈమె హాలీవుడ్ ఎంట్రీ ఇవ్వనున్నారు. హాలీవుడ్ ఇండస్ట్రీలో ఫాస్ట్ అండ్ ఫ్యూరియస్,

వండర్ ఉమెన్ వంటి సినిమాలతో బాగా పాపులర్ అయిన గాల్ గ్యాడెట్, ఆమె భర్త జేరన్ వార్సనో కలిసి నెట్‌ఫ్లిక్స్‌ కోసం ఈ స్పై థ్రిల్లర్ చిత్రాన్ని తెరకెక్కిస్తున్నారు. ఈ క్రమంలోనే ఆలియాభట్ త్వరలోనే ఈ సినిమా షూటింగులో పాల్గొన బోతున్నారు. ఇలా మొదటిసారిగా ఈమె హాలీవుడ్ హీరో పక్కన నటించడంతో తనలో ఏదో తెలియని భావన, భయం తనని వెంటాడుతున్నాయి అని ఈమె వెల్లడించారు. ఈ క్రమంలోనే ఆలియాభట్ తనలో కలిగిన భావాలను సోషల్ మీడియా వేదికగా అభిమానులతో పంచుకున్నారు.

ఈ క్రమంలోనే ఈమె స్పందిస్తూ నేను నా మొదటి హాలీవుడ్ సినిమా షూటింగ్ కి వెళ్తున్నాను.ఒకవైపు కొత్తదనం అనుభూతి కలిగినప్పటికీ మరోవైపు తెలియని భయం ఉంది. అదృష్టం నా వెంటే ఉండాలని కోరుకుంటున్నాను అంటూ ఈమె పోస్ట్ చేశారు. ప్రస్తుతం ఈ పోస్ట్ సోషల్ మీడియాలో వైరల్ గా మారింది. ఈ క్రమంలోనే ఈ పోస్టు పై ఎంతో మంది నెటిజన్లు స్పందిస్తూ తనకు ఆల్ ది బెస్ట్ తెలియజేస్తున్నారు.

ఇక అలియా భట్ ఈ పోస్ట్ షేర్ చేసిన కేవలం గంట వ్యవధిలోనే ఏకంగా 10 మిలియన్ లైక్స్ సంపాదించుకోవడం విశేషం.ఇకపోతే ఇప్పటికే ఎంతోమంది బాలీవుడ్ సెలబ్రిటీలు హాలీవుడ్ ఎంట్రీ ఇచ్చి అక్కడ కూడా మంచి గుర్తింపు పొందారు.ఈ క్రమంలోనే బాలీవుడ్ ఇండస్ట్రీలో అగ్ర తారగా పేరు సంపాదించుకున్న అలియా కూడా హాలీవుడ్ ఇండస్ట్రీ లో తన అదృష్టాన్ని పరీక్షించుకుంటోంది.