ఏప్రిల్లో మొదలవ్వనున్న దగ్గుబాటి అభిరామ్ పరిచయ చిత్రం

రామానాయుడు గారు అనారోగ్యంతో చనిపోకుంటే ఈపాటికి నిర్మాత సురేష్ బాబు కుమారుడు, నటుడు రాణా దగ్గుబాటి తమ్ముడు అయిన దగ్గుబాటి అభిరామ్ నాలుగైదు సినిమాలు చేసేసి, హీరోగా సెటిల్ అయిపోయేవాడు. కానీ.. నాయుడు గారు అర్ధాంతరంగా చనిపోవడం, ఆ తర్వాత శ్రీరెడ్డి ఇష్యూ నేషనల్ మీడియా దాకా వెళ్ళడంతో అభిరామ్ అండర్ గ్రౌండ్ లో ఉండిపోవాల్సి వచ్చింది. అయితే.. జనాలు శ్రీరెడ్డిని మొత్తానికి లైట్ తీసుకోవడంతోపాటు సదరు ఇష్యూను కూడా కొద్దికొద్దిగా మర్చిపోతుండడంతో ఇదే సరైన సమయం అనుకున్న దగ్గుబాటి ఫ్యామిలీ..

దగ్గుబాటి అభిరామ్ ను హీరోగా ఇంట్రడ్యూస్ చేయనున్నారు. యాక్టర్ కమ్ డైరెక్టర్ రవిబాబు దర్శకత్వంలో ఓ యూత్ ఫుల్ లవ్ స్టోరీని సిద్ధం చేసి ఇటీవల సురేష్ బాబుకు వినిపించారని, ఆయనకు నచ్చి అభిరామ్ పేరు చెప్పగా, కొత్త నటీనటులతో సినిమాను తెరకెక్కించడాన్ని ఛాలెంజ్ గా తీసుకొని రవిబాబు వెంటనే ఒకే చెప్పాడని తెలుస్తోంది. సురేష్ ప్రొడక్షన్స్ సంస్థ నిర్మించనున్న ఈ చిత్రం ఏప్రిల్ లో లాంఛనంగా ప్రారంభమవుతుందని సమాచారం.

అభిరామ్ హీరోగా ఆల్రెడీ రెండు మూడు డెమో ఫిలిమ్స్ షూట్ చేయించాడు సురేష్ బాబు. అయితే ఈ సినిమా సెట్స్ కి వెళ్ళేలోపు ఇంకో డెమో షూట్ చేసి అభిరామ్ కు కెమెరా ఫియర్ అనేది లేకుండా చేయాలనేది సురేష్ బాబు ప్లాన్. మరి ఇదంతా ఎంతవరకు వర్కవుట్ అయ్యి దగ్గిబాటి అభిరామ్ హీరోగా సెటిల్ అవుతాడో చూడాలి.

Most Recommended Video

తన 11 ఏళ్ళ కేరీర్లో సమంత మిస్ చేసుకున్న సినిమాల లిస్ట్..!
నాని కొన్ని హిట్ సినిమాలను కూడా మిస్ చేసుకున్నాడు..!