టాలీవుడ్‌లో కొద్ది రోజుల నుండి స్టార్ హీరోల పుట్టినరోజులు, బెంచ్ మార్క్ ఇయర్స్‌కి సూపర్ హిట్ సినిమాల స్పెషల్ షోలు.. ఇంకో అడుగు ముందుకేసి ఫిలిం నుండి డిజిటల్‌లోకి కన్వర్షన్ చేయించి పాత చిత్రాలను మళ్లీ రీ రిలీజ్ చేయడం అనే ట్రెండ్ నడుస్తోంది. బాలయ్య ‘చెన్నకేశవ రెడ్డి’ 19 సంవత్సరాలకి స్పెషల్ షోలు.. 20 ఇయర్స్ అప్పుడు రీ రిలీజ్ చేశారు.. ఇటీవల త్రివిక్రమ్ బర్త్‌డే సందర్భంగా ‘నువ్వే నువ్వే’ తో పాటు అక్కినేని నటించిన ‘ప్రతిబింబాలు’ 40 ఏళ్ల తర్వాత..
రెబల్ స్టార్ ప్రభాస్ ‘బిల్లా’, ‘వర్షం’, జూనియర్ ఎన్టీఆర్ ‘బాద్‌షా’ చిత్రాలు మళ్లీ విడుదల చేయగా బాక్సాఫీస్ వద్ద సందడి చేశాయి.. డిసెంబర్ 9 క్లాసిక్ ఫిలిం ‘మాయాబజార్’, ఎవర్ గ్రీన్ లవ్ స్టోరీ ‘ప్రేమదేశం’ రీ రిలీజ్ కానున్నాయి. ఇప్పుడు మరో బ్యూటిఫుల్ మూవీ ప్రేక్షకుల ముందుకు రాబోతోంది.. సూపర్ హిట్ లవ్ అండ్ కామెడీ ఎంటర్‌టైనర్ ‘నువ్వొస్తానంటే నేనొద్దంటానా’ మళ్లీ ప్రేక్షకుల ముందుకు రానుంది.. ఇటీవలే ‘వర్షం’ మూవీని రీ రిలీజ్ చేసిన నిర్మాత ఎమ్.ఎస్. రాజు NVNV మూవీ రీ రిలీజ్ కోసం బిజినెస్ స్టార్ట్ చేశారు.
ప్రస్తుతం అందుబాటులో ఉన్న టెక్నాలజీకి అనుగుణంగా మార్పులు చేస్తున్నారు. 2004 ‘వర్షం’ లాంటి లవ్ స్టోరీతో అలాగే 2005 సంక్రాంతికి ఈ సినిమాతో రెండు సూపర్ హిట్స్ కొట్టారు రాజు. ఇండియన్ మైఖేల్ జాక్సన్ ప్రభు దేవా ఈ మూవీతోనే దర్శకుడిగా పరిచయమయ్యారు. ఫస్ట్ ఫిలింకే బెస్ట్ అనిపించుకున్నారు. సిద్దార్థ్, త్రిషల పెయిర్ ఆడియన్స్‌ని ఆకట్టుకుంది. లవ్ ట్రాక్, ఎమోషనల్ సీన్స్, శ్రీహరి, ప్రకాష్ రాజ్‌ల క్యారెక్టర్స్, సునీల్, సంతోషి, నర్సింగ్ యాదవ్ కామెడీ అలరిస్తుంది.
ఇక రాక్ స్టార్ దేవి శ్రీ ప్రసాద్ సాంగ్స్ అయితే ఓ ఊపు ఊపాయి.. బ్యాగ్రౌండ్ స్కోర్ కూడా అదే రేంజ్లో ఇచ్చాడు. ఇక రీ రిలీజ్ ప్రమోషన్స్ కోసం హీరో హీరోయిన్, డైరెక్టర్‌ని రంగంలోకి దింపబోతున్నారంటూ నెట్టింట వార్తలు వైరల్ అవుతున్నాయి. కలెక్షన్ల పరంగానూ సత్తా చాటిన ‘నువ్వొస్తానంటే నేనొద్దంటానా’ యూత్ మెచ్చే, యూత్‌కి నచ్చే ప్రేకథా చిత్రాల్లో ఒకటిగా నిలిచింది. త్వరలో రీ రిలీజ్ డేట్ అనౌన్స్ చేయనున్నారు.
హిట్2 సినిమా రివ్యూ& రేటింగ్!
మట్టి కుస్తీ సినిమా రివ్యూ & రేటింగ్!
ఇట్లు మారేడుమిల్లి ప్రజానీకం సినిమా రివ్యూ & రేటింగ్!
డీజే టిల్లు టు మసూద ఈ ఏడాది ఎటువంటి అంచనాలు లేకుండా వచ్చి హిట్టు కొట్టిన సినిమాలు..!
Home