దిల్ రాజు తమిళ ఎంట్రీ ఇటీవల జరిగిన విషయం తెలిసిందే. సంక్రాంతికి ‘వరిసు’ / ‘వారసుడు’ అంటూ వచ్చి ఆ సినిమా మంచి విజయం అందుకుంది. అయితే వెంటనే మరో తమిళ సినిమా అనౌన్స్‌ చేయకపోవడంతో ‘దిల్ రాజు ఏంటి ఇలా సైలంట్‌ అయిపోయారు.. మరో తమిళ మూవీ అనౌన్స్‌ చేయలేదేంటి’ అంటూ చిన్నపాటి చర్చలు నడిచాయి. అయితే వరుసగా టాలీవుడ్‌లో సినిమాలు చేస్తారు అని వార్తలు రావడంతో.. తమిళంలోకి ఇంత త్వరగా వెళ్లే అవకాశం లేదు అనుకున్నారు.
అయితే దిల్ రాజు గ్యాప్‌ ఇవ్వడానికి కారణం ఇప్పుడు తెలుస్తోంది. ‘బలగం’ సినిమా విజయం, పురస్కారాల ఆనందంలో ఉన్న దిల్ రాజు.. ఇప్పుడు తమిళ సినిమాలపై ఫోకస్ చేసినట్టు తెలుస్తోంది. తొలుత విజయ్ సినిమా తీసిన దిల్ రాజు.. ఇప్పుడు ఏకంగా రజనీకాంత్‌తో సినిమా ప్లాన్ చేస్తున్నట్టు సమాచారం. రజనీకాంత్ కోసం ఓ కథను సిద్ధం చేశారని, దాని పాయింట్‌ కూడా వినిపించారని సమాచారం. దీంతో పూర్తి స్థాయిలో కథను సిద్ధం చేసే పనిలో ఉన్నారు అని అంటున్నారు.
ఈ సినిమాలో నటించడానికి రజనీకాంత్ (Rajinikanth) అంగీకరించారని కోడంబాక్కం వర్గాల సమాచారం. ఈ క్రమంలో సినిమా కోసం దిల్ రాజు పెద్ద మొత్తంలో అడ్వాన్స్‌ కూడా ఇచ్చినట్లు తెలుస్తోంది. అయితే దీనికి సంబంధించి అధికారికంగా ఎలాంటి ప్రకటన రాలేదు. త్వరలో అఫీషియల్‌ అనౌన్స్‌మెంట్‌ ఉంటుంది అని చెబుతున్నారు. ఒకవేళ ఈ రూమర్సే నిజమైతే ఈ ప్రాజెక్ట్‌ ఛాన్స్‌ సంపాదించింది ఎవరు అనేది తెలియాల్సి ఉంది.
ఇక రజనీకాంత్ ప్రస్తుతం ‘జైలర్‌’ సినిమాలో నటిస్తున్నారు. ఈ సినిమా తర్వాత ‘జై భీమ్‌’ సినిమా ఫేమ్‌ జ్ఞానవేల్‌ దర్శకత్వంలోనూ ఓ సినిమాకు పచ్చజెండా ఊపారు. ఇది రజనీ 170వ చిత్రం. ఈ రెండు ప్రాజెక్ట్స్ తర్వాత రజనీకాంత్, దిల్ రాజు సినిమా ఉంటుంది అంటున్నారు. ఈ సినిమా ఎలాగూ తెలుగు, తమిళంలో తెరకెక్కుతుంది. అయితే రజనీకాంత్ సినిమా కాబట్టి పాన్‌ ఇండియా రిలీజ్‌ అయితే పక్కా ఉంటుంది.
రావణాసుర సినిమా రివ్యూ & రేటింగ్!
మీటర్ సినిమా రివ్యూ & రేటింగ్!
ఇప్పటివరకు ఎవరు చూడని రష్మిక రేర్ పిక్స్!
నేషనల్ అవార్డ్స్ అందుకున్న 10 మంది హీరోయిన్లు వీళ్లే..!
