Allari Naresh: ఇవివి గారు డైరెక్ట్ చేసిన సినిమాల్లో అల్లరి నరేష్ కు నచ్చని సినిమా అదేనట..!

ఒకప్పటి స్టార్ డైరెక్టర్ ఈవీవీ స‌త్య‌నారాయ‌ణ‌ గారి గురించి ప్రత్యేక పరిచయం అవసరం లేదు. జంధ్యాల గారి తర్వాత కామెడీ సినిమాలకు కేరాఫ్ అడ్రస్ గా నిలిచారు. అంతేకాదు మాస్ సినిమాల్లో కామెడీని నింపి బ్లాక్ బస్టర్లు కొట్టిన ఘనత కూడా ఈయన సొంతం.దాదాపు 50 సినిమాలకు దర్శకత్వం వహించారు ఈవివి.అంతేకాదు సొంత బ్యానర్ ను స్థాపించి తన కొడుకులతో పలు హిట్ సినిమాలను తెరకెక్కించి సూపర్ హిట్స్ అందుకున్నారు. ఈవీవీ గారి ఇద్దరు కొడుకులు హీరోలుగా ఎంట్రీ ఇచ్చిన సంగతి తెలిసిందే.

అయితే పెద్దబ్బాయి సక్సెస్ అవ్వలేదు.. చిన్నబ్బాయి సక్సెస్ అయ్యాడు. అల్లరిని తన ఇంటిపేరుగా మార్చేసుకున్నాడు. తన తండ్రి దర్శకత్వంలో దాదాపు 8 సినిమాలు చేసాడు నరేష్. ఒకటి రెండు తప్ప అన్నీ హిట్లే..! అల్లరి నరేష్ కు తన తండ్రి దర్శకత్వం వహించిన సినిమాల్లో నచ్చని సినిమా ఒకటి ఉందట.ఆ సినిమా మరేదో కాదు ‘ఆరుగురు ప‌తివ్ర‌త‌లు`. ఇది ఓ బోల్డ్ మూవీ..! అప్పట్లో నరేష్.. ఇవివి గారి వద్ద అసిస్టెంట్ గా కూడా పనిచేసేవాడు.

ఆ టైములో ఆయన ఈ క‌థ చెబుతున్న‌ప్పుడే నరేష్ కు అస్సలు నచ్చలేదట. `నాన్న‌.. ఇది నీ జోన‌ర్ సినిమా కాదు` అని చెప్పారట. కానీ ఈవివి గారు విన‌లేదు.ఫలితం కూడా తేడా కొట్టింది. చివ‌రికి ఆ సినిమాని కూడా నరేష్ చూడలేదట. నాన్న‌గారు తీసిన సినిమాల్లో నచ్చని మూవీ అదే అని ఆయన చెప్పుకొచ్చాడు.

‘ఆరుగురు పతివ్రతలు’ సినిమా పై ఇప్పటికీ సోషల్ మీడియాలో బోలెడన్ని మీమ్స్ ట్రెండ్ అవుతూ ఉంటాయి. ఇది మాత్రమే కాదు అల్లరి నరేష్ తో ఇవివి గారు తెరకెక్కించిన ‘పెళ్ళయింది కానీ’ సినిమా కూడా నరేష్ కు నచ్చదని ఓ సందర్భంలో చెప్పుకొచ్చాడు. కానీ ఈ మధ్యన మాత్రం ‘ఆరుగురు పతివ్రతలు’ కథ నచ్చలేదు ఆ సినిమా చూడలేదు అని చెబుతున్నాడు.

సర్కారు వారి పాట సినిమా రివ్యూ & రేటింగ్!

Most Recommended Video

10 ఏళ్ళ ‘గబ్బర్ సింగ్’ గురించి 12 ఆసక్తికరమైన విషయాలు..!
‘చెల్లమ్మ’ టు ‘మ మ మహేషా’.. జోనిత గాంధీ పాడిన 10 సూపర్ హిట్ పాటల లిస్ట్..!
ఎన్టీఆర్- బాలయ్య టు చిరు-చరణ్… నిరాశపరిచిన తండ్రీకొడుకులు కాంబినేషన్లు..!