అలా అయితే బాలయ్య సినిమాకి మల్టీ స్టారర్ లుక్ వచ్చేసినట్టే..!

September 15, 2020 / 03:13 PM ISTByFilmy Focus

Join Us

అలా అయితే బాలయ్య సినిమాకి మల్టీ స్టారర్ లుక్ వచ్చేసినట్టే..!

నందమూరి బాలకృష్ణ నుండీ గతేడాది 3 సినిమాలు వచ్చాయి. కానీ ఆ 3 సినిమాలు డిజాస్టర్లుగానే మిగిలాయి. దీంతో ఇప్పుడు బాలయ్య కచ్చితంగా హిట్టు కొట్టాల్సిన పరిస్థితి ఏర్పడింది. ప్రస్తుతం ఆయన బోయపాటి శ్రీను డైరెక్షన్లో ఓ సినిమా చేస్తున్నాడు. బాలయ్య పుట్టినరోజున ఈ చిత్రానికి సంబంధించి ఓ గ్లింప్స్ ను వదిలారు. దానికి సూపర్ రెస్పాన్స్ వచ్చింది. పైగా వీరిద్దరిది సూపర్ హిట్ కాంబినేషన్..! గతంలో ‘సింహా’ ‘లెజెండ్’ వంటి బ్లాక్ బస్టర్లు వీరి కాంబినేషన్ నుండీ వచ్చాయి.

కాబట్టి కచ్చితంగా ఈ చిత్రం సూపర్ హిట్ గా నిలుస్తుందని అభిమానులు ఆశిస్తున్నారు. ఇదిలా ఉండగా.. ఈ చిత్రంలో అల్లరి నరేష్ కూడా ఓ కీలక పాత్ర పోషిస్తున్నట్టు .. గత కొద్దిరోజులుగా ప్రచారం జరుగుతుంది. బాలయ్య -బోయపాటి సినిమాలో ఓ యంగ్ హీరోకి సూట్ అయ్యే పాత్ర ఉందనేది నిజమేనంటూ ఎప్పటి నుండో వార్తలు వస్తున్నాయి. ఈ పాత్రకోసం నవీన్ చంద్ర,నారా రోహిత్ వంటి హీరోలను కూడా అనుకున్నట్టు ప్రచారం జరిగింది.

Allari Naresh on board for Balakrishna's film1

అయితే ఇప్పుడు వీళ్ళ బదులు అల్లరి నరేష్ ను ఫైనల్ చేసినట్టు టాక్. అయితే చిత్ర యూనిట్ సభ్యులనుండీ అధికారిక ప్రకటన వస్తేనే కానీ ఇది కన్ఫర్మ్ అని చెప్పలేము. ఒకవేళ ఈ వార్త నిజమే అయితే సినిమాకి అదనపు ఆకర్షణ చేకూరినట్టే అని చెప్పొచ్చు.