‘అల్లరి’ తో హీరోగా ఎంట్రీ ఇచ్చి.. ఆ టైటిల్ నే తన ఇంటి పేరుగా మార్చేసుకున్నాడు అల్లరి నరేష్. కామెడీ సినిమాలకు కేరాఫ్ అడ్రెస్ గా మారిపోయాడు. అతి తక్కువ టైంలోనే 50 సినిమాలను కంప్లీట్ చేసిన హీరోగా రికార్డు సృష్టించాడు నరేష్. అంతేకాకుండా ‘నేను’ ‘విశాఖ ఎక్స్ ప్రెస్’ ‘గమ్యం’ వంటి నటనకు ఆస్కారం ఉన్న చిత్రాల్లో కూడా నటించాడు.ఇక ‘శంభో శివ శంభో’ ‘మహర్షి’ వంటి చిత్రాల్లో సపోర్టింగ్ రోల్స్ ను కూడా అద్భుతంగా పోషించి..
కంప్లీట్ యాక్టర్ అని ప్రూవ్ చేసుకున్నాడు. ఇప్పుడు మరో సినిమాలో కూడా సపోర్టింగ్ రోల్ పోషించనున్నాడట నరేష్. ‘మహర్షి’ లానే ఈ మూవీలో కూడా నరేష్ పాత్ర చుట్టూనే కథ తిరుగుతుందట. వివరాల్లోకి వెళితే.. మంచు మనోజ్ హీరోగా ‘అహం బ్రహ్మాస్మి’ అనే చిత్రం తెరకెక్కబోతున్న సంగతి తెలిసిందే.తన సొంత బ్యానర్ పై పాన్ ఇండియా లెవెల్లో ఈ చిత్రాన్ని నిర్మిస్తున్నాడు మనోజ్.ఈ చిత్రంలో ఓ కీలక పాత్ర కోసం నరేష్ ఎంపికయ్యాడట.
ముందుగా ఈ పాత్ర కోసం మెగా మేనల్లుడు సాయితేజ్ ను అనుకున్నారట. కానీ కొన్ని కారణాల వల్ల తేజు.. ఈ పాత్ర చేయలేకపోతున్నట్టు తెలుస్తుంది. ‘అల్లరి’ నరేష్ అయితే ఈ పాత్రకి న్యాయం చేయగలడని చిత్ర యూనిట్ సభ్యులు ఆశాభావం వ్యక్తం చేస్తున్నట్టు తెలుస్తుంది.ఇక కరోనా కారణంగా ఆగిపోయిన ఈ చిత్రం షూటింగ్ ఈ మధ్యనే తిరిగి ప్రారంభమయ్యింది.
Most Recommended Video
ఇష్క్ మూవీ రివ్యూ & రేటింగ్!
తిమ్మరుసు మూవీ రివ్యూ & రేటింగ్!
‘నారప్ప’ మూవీ నుండీ అదిరిపోయే డైలాగులు..!
