మహేష్ తో కలిసి నటించనున్న అల్లరి నరేష్

సూపర్ స్టార్ మహేష్ బాబు ప్రస్తుతం మురుగదాస్ డైరెక్షన్లో ‘స్పైడర్’ సినిమాని కంప్లీట్ చేశారు. వెంటనే కొరటాల శివ దర్శకత్వంలో మూవీ మొదలెట్టారు. ప్రస్తుతం నగర శివార్లలో వేసిన అసెంబ్లీ సెట్ లో షూటింగ్ జరుగుతోంది. దీని తర్వాతి సినిమాని కూడా మహేష్ లైన్లో పెట్టారు. వంశీ పైడిపల్లితో తన 25వ సినిమాను చేయనున్నారు. దీనిని ప్రముఖ నిర్మాతలు దిల్ రాజు, అశ్విని దత్ లు సంయుక్తంగా నిర్మించనున్నారు.  మహేష్ కెరీర్లో ల్యాండ్ మార్క్ మూవీ కానున్న ఈ ప్రాజక్ట్ కి ప్రీ ప్రొడక్షన్ పనులు జోరుగా సాగుతున్నాయి. ఆర్టిస్టుల, టెక్నీషియన్ల సెలక్షన్ చేస్తున్నారు. హీరోయిన్ గా పూజ హెగ్డేను పరిశీలిస్తున్నారు.

అలాగే ఓ కీలక రోల్ కి అల్లరి నరేష్ ని సంప్రదించారంట. మహేష్ తో కలిసి నటించే అవకాశం కావడంతో నరేష్ సంతోషంగా అంగీకరించినట్టు తెలిసింది. ఈ విషయాన్ని త్వరలో అధికారికంగా ప్రకటించనున్నారు. అల్లరి నరేష్ హీరోగా నటిస్తున్న సినిమాలు వరుసగా అపజయం పాలవుతున్నాయి. మహేష్  సినిమాతోనైనా ఆయన మళ్ళీ హిట్ ట్రాక్ లోకి వస్తాడేమో చూడాలి.

Also, do SUBSCRIBE to our YouTube channel to get latest Tollywood updates.