త్వరలో సెట్స్ పైకి నరేష్, సునీల్ కలిసి నటించే మూవీ..!

వరుస విజయాలతో దూసుకువచ్చిన (Allari Naresh) అల్లరి నరేష్ కి ఐదేళ్లుగా హిట్ పలకరించడం లేదు. హాస్య నటుడిగా చెలరేగిపోయిన సునీల్ హీరోగానూ విజయాలు అందుకుంటానని అనుకున్నారు. మొదట హిట్స్ అందుకున్నప్పటికీ ఆ తర్వాత సినిమాలన్నీ వారం కూడా థియేటర్లో ఉండలేకపోయింది. ఇలా వీరిద్దరూ హిట్ కోసం ఎదురుచూస్తున్నారు. అల్లరి నరేష్ తో సుడిగాడు తీసి విజయాన్ని అందుకున్న డైరక్టర్  భీమినేని శ్రీనివాస్  వీరిని మళ్ళీ హిట్ ట్రాక్ ఎక్కించడానికి ప్రయత్నిస్తున్నారు. నరేష్, సునీల్ ని స్నేహితులుగా కథని రాసుకొని కామెడీ పండించడానికి సిద్ధమయ్యారు.

ఈ చిత్రం ఈ నెల 12 నుంచి షూటింగ్‌ను జరుపుకోనుంది. సినిమాలోని కొన్ని కీలక సన్నివేశాలను ఈ షెడ్యూల్లోనే చిత్రీకరించనున్నారు.  సుడిగాడు తరహాలోనే అనేక చిత్రాల్లోని సీన్లకు స్పూఫ్స్ ని ఇందులో చూపించబోతున్నారని సమాచారం. సుడిగాలి 2 అనే పేరుని పరిశీలిస్తున్న  ఈ చిత్రంలో హీరోయిన్‌గా చిత్ర శుక్లాని సెలక్ట్ చేశారు. రెండో హీరోయిన్ కోసం వెతుకుతున్నారు. శ్రీవసంత్ సంగీతమందిస్తున్న ఈ మూవీ గురించి పూర్తి వివరాలను అధికారికంగా సోమవారం ప్రకటించనున్నారు.