టాక్‌షోకి ఫ్రెండ్స్‌తో రావాలి, కో ఆర్టిస్ట్‌లతో రావాలి.. అంతేకానీ తండ్రితో అస్సలు రాకూడదు. అల్లు అర్జున్‌తో ‘సామ్‌ జామ్‌’ ఎపిసోడ్‌ను చూసిన తర్వాత చాలామంది ఈ మాటే అంటారు. మనకు అల్లు అర్జున్ ‘మిస్టర్‌ పర్‌ఫెక్ట్’గా మాత్రమే తెలుసు. అయితే మొన్న టెలీకాస్ట్‌ అయిన ఎపిసోడ్ తర్వాత బన్నీ అసలు కలలు బయటకు వచ్చాయి. చిన్నతనంలో బన్నీ బాబు చేసిన అల్లరి చేష్టలు బయటకు వచ్చాయి. బన్నీ ఎపిసోడ్ నడుస్తుండగా సామ్‌ మధ్యలో అల్లు అరవింద్‌ను పిలిచింది. ఇక మొదలయ్యాయి బన్నీ అసలు కష్టాలు. ఏమైందేంటే?
‘‘ఇప్పుడైతే అల్లు అర్జున్ డిసిప్లైన్, వెరీ ఫోకస్ అండ్ హార్డ్ వర్కింగ్ పర్సన్. మరి చిన్నప్పుడు ఎలా ఉండేవాడు? బాగా అల్లరి చేసేవాడా? కామ్‌గా ఉండేవాడా? అంటూ అల్లు అరవింద్‌ను సమంత అడిగింది. దానికి అరవింద్ కొడుకును చూసి దండం పెట్టడం ప్రోమోలోనే చూశాం. ఆ తర్వాత ఏమన్నాడంటే… ‘ఇప్పుడంటే బన్నీ ఇలా ఉన్నాడు కానీ, చిన్నప్పుడు బాగా అల్లరి చేసేవాడు. 11త్‌ క్లాస్ చదువుతున్న సమయంలో ఓసారి కాలేజీ ప్రిన్సిపల్ రమ్మన్నారని నన్ను పిలుచుకొని వెళ్లాడు. తీరా వెళ్తే బన్నీ మార్క్ లిస్ట్ ఇచ్చారు. అందులో చూస్తే అన్ని 20, 25 మార్కులే ఉన్నాయి. ఆ మార్కులు చూసి, ఇక నా పని అయిపోయింది అనుకున్నా. ప్రిన్సిపల్‌తో దొబ్బులు పడతాయి అనుకున్నా’’
‘‘కానీ ఆయన ఇక మీరు వెళ్లొచ్చు అన్నారు. నేను షాక్, మళ్లీ అడగటానికి ట్రై చేస్తే వెళ్లొచ్చు అన్నారు. కానీ ఆ తర్వాత ఫ్రెండ్స్ నుండి అసలు విషయం బయటికొచ్చింది. నన్ను పిలిచిన ముందు రోజు బన్నీ ఆ ప్రిన్సిపాల్ దగ్గరికి వెళ్లి నీకో కూతురుంది. నేను ఆమెను ప్రేమించొచ్చు, ఒకవేళ ప్రేమించాక ఏమైనా జరగొచ్చు అంటూ చిన్న వార్నింగ్ ఇచ్చాడట. దానికి బయపడి ఆయన ఆ రోజు నాతో ఒక్క మాట కూడా మాట్లాడలేదని తెలిసింది. వీడి ఫ్రెండ్స్ చెప్పింది విని నేను షాక్ అయ్యా’’ అంటూ సరదాగా నవ్వుతూనే అప్పుడు జరిగింది చెప్పి బన్నీ పరువు తీసేశాడు అల్లు అరవింద్.
షో అన్నాక హోస్ట్‌ చాలా ప్రశ్నలు అడుగుతుంది. అది ఆమె పని. అడిగింది కదా అని చిన్నతనంలో, కుర్రతనంలో కొడుకు చేసిన పనులు చెప్పేయాలా? ఇప్పుడు పెద్ద హీరో, పెళ్లి అయింది, పిల్లలున్నారు. ఈ సమయంలో అలాంటి విషయాలు చెబితే బాగుండదు అని అల్లు అరవింద్ అనుకోకపోతే ఎలా అని నెటిజన్లు చర్చించుకుంటున్నారు.
Most Recommended Video
2020 Rewind: ఈ ఏడాది సమ్మోహనపరిచిన సుమధుర గీతాలు!
కొన్ని లాభాల్లోకి తీసుకెళితే.. మరికొన్ని బోల్తా కొట్టించాయి!
2020 Rewind: ఈ ఏడాది డిజాస్టర్ సినిమాలు ఇవే..!
