ప్రముఖ ఓటీటీలలో ఒకటైన ఆహా ఓటీటీలో బాలకృష్ణ హోస్ట్ గా అన్ స్టాపబుల్ విత్ ఎన్బీకే పేరుతో ఒక షో ప్రసారం కానున్న సంగతి తెలిసిందే. బాలయ్యను ఈ షోకు హోస్ట్ గా ఎంపిక చేయడం మెగాస్టార్, పవన్ అభిమానులకు ఏ మాత్రం నచ్చలేదు. మరోవైపు ఈ షోకు గెస్ట్ గా మోహన్ బాబు హాజరయ్యారని సోషల్ మీడియా, వెబ్ మీడియాలో ప్రచారంలోకి వస్తున్న వార్తలు మెగా, పవన్ ఫ్యాన్స్ ను మరింత హర్ట్ చేస్తున్నాయి.
అల్లు అరవింద్ తీసుకున్న నిర్ణయాల వల్ల మెగా హీరోలతో పాటు మెగా అభిమానులు హర్ట్ అవుతున్నారని ఫ్యాన్స్ అభిప్రాయపడుతున్నారు. పవన్, చిరంజీవిలపై విమర్శలు చేసిన వాళ్లకు అల్లు అరవింద్ ప్రాధాన్యత ఇవ్వడం ఏంటని మెగా ఫ్యాన్స్ కామెంట్లు చేస్తున్నారు. మెగా బ్రదర్స్ విమర్శలు చేసిన వాళ్లకు అల్లు అరవింద్ పెద్దపీట వేయడం ఏమిటని మెగా ఫ్యాన్స్ అభిప్రాయం వ్యక్తం చేస్తున్నారు. మంచు విష్ణు ప్రమాణ స్వీకారం సమయంలో మెగా బ్రదర్స్ కు ఆహ్వానం అందలేదు.
మూవీ ఆర్టిస్ట్ అసోసియేషన్ ఎన్నికల సమయంలో మెగా ఫ్యామిలీ మద్దతు ఇచ్చిన ప్రకాష్ రాజ్ ఓటమిపాలయ్యారు. బాలకృష్ణతో పాటు మరి కొందరు సినీ ప్రముఖుల మద్దతుతో విష్ణు విజయం సాధించారు. మెగా హీరోలలో చాలామంది హీరోలు ఉండగా హోస్ట్ గా అల్లు అరవింద్ బాలయ్యకు ఛాన్స్ ఇవ్వాల్సిన అవసరం ఏముందని కొంతమంది నెటిజన్లు అభిప్రాయపడుతున్నారు. నెటిజన్ల కామెంట్ల విషయంలో అల్లు అరవింద్ ఏ విధంగా రియాక్ట్ అవుతారో చూడాల్సి ఉంది.
Most Recommended Video
సంకల్ప బలమే ‘మురారి’ ని క్లాసిక్ చేసింది, 20 ఏళ్ళ ‘మురారి’ వెనుక అంత కథ నడిచిందా…!
ఫ్యాక్షన్ సినిమాకి సరికొత్త డెఫినిషన్ చెప్పిన కృష్ణవంశీ ‘అంతఃపురం’…!
టాలీవుడ్‌ టాప్‌ భామల రెమ్యూనరేషన్‌ ఎంతంటే?
