టాలీవుడ్ ఇండస్ట్రీలోని సక్సెస్ ఫుల్ ప్రొడ్యూసర్లలో అల్లు అరవింద్ కూడా ఒకరు. తన సినీ కెరీర్ లో అల్లు అరవింద్ తక్కువ సినిమాలే నిర్మించినా ఈ సినిమాలలో ఎక్కువ సినిమాలు విజయం సాధించాయి. అల్లు అరవింద్ ఆహా ఓటీటీని సక్సెస్ చేయడం కొరకు ఎన్నో ప్రయత్నాలు చేయగా బాలయ్య హోస్ట్ గా చేసిన అన్ స్టాపబుల్ విత్ ఎన్బీకే షో వల్ల ఆహా ఓటీటీకి ఊహించని స్థాయిలో సబ్ స్క్రిప్షన్లు పెరిగాయి. మరోవైపు ప్రతి శుక్రవారం సినిమాలు, వెబ్ సిరీస్ లను విడుదల చేస్తూ ప్రేక్షకులకు ఆహాను మరింత చేరువ చేయాలని అల్లు అరవింద్ భావిస్తున్నారు.
ఇతర ఓటీటీలతో పోల్చి చూస్తే ఆహా ఓటీటీ సబ్ స్క్రిప్షన్ ఫీజు తక్కువ కావడంతో ప్రేక్షకులు ఈ ఓటీటీపై ఎక్కువగా ఆసక్తి చూపిస్తున్నారు. అయితే బాలయ్య హోస్ట్ చేస్తున్న అన్ స్టాపబుల్ సీజన్1 మరికొన్ని రోజుల్లో ముగియనుంది. ఈ నెల 28వ తేదీన అన్ స్టాపబుల్ సీజన్1 చివరి ఎపిసోడ్ ప్రసారం కానుంది. అయితే అల్లు అరవింద్ మాత్రం బాలయ్యతో ఉన్న అనుబంధాన్ని కొనసాగించాలని కీలక నిర్ణయం తీసుకున్నారని తెలుస్తోంది.
బాలయ్యతో భారీ బడ్జెట్ సినిమాను తెరకెక్కించాలని అల్లు అరవింద్ ఫిక్స్ అయ్యారని సమాచారం. ప్రముఖ దర్శకులతో అల్లు అరవింద్ ఈ మేరకు చర్చలు జరుపుతున్నారని తెలుస్తోంది. కథ, డైరెక్టర్ ఫిక్స్ అయిన తర్వాత అల్లు అరవింద్ బాలయ్యను ఒప్పించనున్నారు. బాలయ్య రుణాన్ని తీర్చుకోవాలనే ఉద్దేశంతో అల్లు అరవింద్ ఈ ఆలోచన చేసినట్టు తెలుస్తోంది. బాలయ్య బోయపాటి శ్రీను కాంబినేషన్ లో అల్లు అరవింద్ సినిమాను ఫిక్స్ చేస్తే బాగుంటుందని అభిమానులు కామెంట్లు చేస్తున్నారు.
ఈ కాంబినేషన్ దిశగా అల్లు అరవింద్ అడుగులు వేస్తారేమో చూడాల్సి ఉంది. అన్ స్టాపబుల్ చివరి ఎపిసోడ్ ఎమోషనల్ టచ్ తో ఉండనుందని కామెంట్లు వినిపిస్తున్నాయి. బాలయ్య మహేష్ కు సంబంధించిన రహస్యాలను షోలో బయటపెడతారేమో చూడాలి. అన్ స్టాపబుల్ సీజన్2 గురించి కూడా క్లారిటీ వస్తే బాగుంటుందని ఫ్యాన్స్ కోరుకుంటున్నారు.
Most Recommended Video
చైసామ్, ధనుష్- ఐస్ లు మాత్రమే కాదు సెలబ్రిటీల విడాకుల లిస్ట్ ఇంకా ఉంది..!
ఎన్టీఆర్ టు కృష్ణ.. ఈ సినీ నటులకి పుత్రశోఖం తప్పలేదు..!
20 ఏళ్ళ ‘టక్కరి దొంగ’ గురించి ఎవ్వరికీ తెలియని కొన్ని విషయాలు..!
