Allu Aravind,Balakrishna: బాలయ్యకు స్టార్ హీరో అనే అహం లేదు.. అల్లు అరవింద్ కామెంట్స్ వైరల్!

October 31, 2022 / 05:12 PM ISTByFilmy Focus

Join Us

Allu Aravind,Balakrishna: బాలయ్యకు స్టార్ హీరో అనే అహం లేదు.. అల్లు అరవింద్ కామెంట్స్ వైరల్!

టాలీవుడ్ ఇండస్ట్రీలో నిర్మాతగా గుర్తింపు పొందిన అల్లు అరవింద్ చిన్న కుమారుడు అల్లు శిరీష్ హీరోగా నటించిన ఊర్వశివో రాక్షసువో సినిమా నవంబర్ 4వ తేదీన ప్రేక్షకుల ముందుకి రానుంది. ఇప్పటికే ఈ సినిమా నుండి విడుదలైన ట్రైలర్, టీజర్ ప్రేక్షకులను బాగా ఆకట్టుకున్నాయి. ఇక ఈ సినిమా ప్రమోషన్స్ లో భాగంగా ఇటీవల హైదరాబాద్లో ఫ్రీ రిలీజ్ ఈవెంట్ ఘనంగా నిర్వహించారు. ఈ ఫ్రీ రిలీజ్ ఈవెంట్ కి నందమూరి బాలకృష్ణ ముఖ్యఅతిథిగా హాజరయ్యాడు.

అన్ స్టాపబుల్ షో ద్వారా అల్లు కుటుంబం నందమూరి కుటుంబం మధ్య ఉన్న అనుబంధం మరింత బలపడిందనడానికి నిదర్శనమే బాలకృష్ణ ఇలా ఈ ఫ్రీ రిలీజ్ ఈవెంట్ కి హాజరుకావటం. ఈ ఫ్రీ రిలీజ్ ఈవెంట్ లో బాలకృష్ణ గురించి అల్లు అరవింద్ మాట్లాడుతూ బాలకృష్ణ గారి గొప్ప వ్యక్తిత్వం గురించి కొనియాడారు. అన్ స్టాపబుల్ షో కోసం మొదటగా ఆయనకు ఫోన్ చేసి అడగగానే వెంటనే ఓకే చెప్పారని..

అలాగే ఈ ప్రీ రిలీజ్ ఈవెంట్ కి కూడా గెస్ట్ గా రావాలని కోరగానే మన వాడే కదా వస్తాను అంటూ సరే అని చెప్పాడు అంటూ అల్లు అరవింద్ వెల్లడించాడు. హీరోగా ఎంత ఎదిగినా కూడా బాలకృష్ణ ఎంతో సింపుల్ ఆటిట్యూడ్ తో ఉంటాడు. అలాంటి సింపుల్ ఆటిట్యూడ్ ఉన్న బాలకృష్ణకి అందరూ నిజమైన అభిమానులే అంటూ బాలకృష్ణ గురించి ఆసక్తికర వ్యాఖ్యలు చేశాడు. ఇలా అల్లు అరవింద్ బాలకృష్ణ గురించి ప్రశంసిస్తూ మాట్లాడటంతో బాలయ్య అభిమానులు ఆనందం వ్యక్తం చేస్తున్నారు. ఇక ఈ సందర్భంగా “ఊర్వశివో రాక్షసివో” సినిమా విశేషాల గురించి కూడా అల్లు అరవింద్ వెల్లడించాడు.

అందరూ నిర్మాతలు చెప్పేది అయినా ఈ సినిమా చాలా బాగా వచ్చింది. పక్క జూబ్లీహిల్స్ కుర్రాన్ని ఒక మిడిల్ క్లాస్ కుర్రాడిగా డైరెక్టర్ చాలా చక్కగా చూపించారు. ఈ సినిమా తప్పకుండా యువతకి బాగా నచ్చుతుంది. ఈ సినిమాలో యూత్ ప్రాబ్లెంస్ గురించి ప్రస్థావించారు. ఈ సినిమా కొంచం రొమాంటిక్ గా అనిపించినా… మంచి డెప్త్ ఉన్న సినిమా అని అన్నారు. అలాగే ఈ కథని అందించిన తమ్మారెడ్డి భరద్వాజ్ గారికి కుడ్ కూడా ఈ సందర్భంగా అల్లు అరవింద్ కృతజ్ఞతలు తెలియచేశాడు.