వాస్తవ సంఘటనల ఆధారంగా రూపొందించిన చిత్రం ‘పలాస 1978’. రక్షిత్, నక్షత్ర జంటగా నటించిన ఈ సినిమాకి కరుణ కుమార్ దర్శకత్వం వహించారు. శుక్రవారం నాడు ఈ సినిమా ప్రేక్షకుల ముందుకు వచ్చి.. ఓ మోస్తరుగా ఆకట్టుకుంది. అయితే ఈ సినిమా రిలీజ్ కాకముందే ఈ డైరెక్టర్ కరుణ కుమార్ కి రెండో సినిమా గీతా ఆర్ట్స్ వంటి భారీ నిర్మాణ సంస్థలో చేసే అవకాశం దక్కిందనే విషయం హల్ చల్ చేసిన విషయం తెలిసిందే. దీనికి సంబంధించి గీతా ఆర్ట్స్ అధినేత, నిర్మాత అల్లు అరవింద్ అడ్వాన్స్ గా కరుణ కుమార్ కి చెక్ కూడా అందించారు.
విడుదలకు ముందే ‘పలాస 1978’ ప్రివ్యూ చూసిన అల్లు అరవింద్.. చిత్ర దర్శకుడిని పిలిచి అభినందించారు. నిజజీవిత సంఘటనల ఆధారనంగా తెరకెక్కిన ఈ సినిమా చాలా నేచురల్ గా ఉందని.. ప్రతిభ గల దర్శకుడివి అంటూ ప్రశంసించారు. అంతేకాదు.. మీడియా సమక్షంలో కరుణ కుమార్ తో సినిమా చేయనున్నట్లు అల్లు అరవింద్ ప్రకటించారు. అయితే.. కరుణకుమార్ కి అడ్వాన్స్ ఇచ్చింది ఫీచర్ ఫిలిం కోసం కాదని.. అల్లు అరవింద్ స్థాపించిన ఓటీటీ “ఆహా” యాప్ కు ఒక వెబ్ సిరీస్ తీయడం కోసమని తెలుస్తోంది. ఇప్పటికే ఆ యాప్ లో విడుదలైన “కొత్త పోరడు, మస్తీస్” వంటి వెబ్ సిరీస్ లు సోషల్ మీడియాలో బజ్ క్రియేట్ చేసినప్పటికీ.. పెద్దగా ప్రేక్షకుల్ని ఆకట్టుకోలేకపోయాయి. అందుకే.. అల్లు అరవింద్ ఇలా కరుణకుమార్ తో వెబ్ సిరీస్ ప్లాన్ చేసి.. ఆ సిరీస్ & యాప్ కు ఇప్పటినుండే ప్రమోషన్స్ కూడా మొదలెట్టాడు. దాంతో అల్లు అరవింద్ ప్లానింగ్ చూసినవాళ్లందరూ అయన మేధస్సుకు దండం పెడుతున్నారు.
Most Recommended Video
పలాస 1978 సినిమా రివ్యూ & రేటింగ్!
అనుకున్నది ఒక్కటి అయినది ఒక్కటి సినిమా రివ్యూ & రేటింగ్!
ఓ పిట్టకథ సినిమా రివ్యూ & రేటింగ్!
