మెగా కంపౌండ్ కు ఎంట్రీ ఇవ్వబోతున్న బాబీ..!

‘వెంకీమామ’ చిత్రం డిసెంబర్ 13న.. అంటే రేపు విడుదల కాబోతుంది. ఫిలింనగర్ టాక్ ప్రకారం ఈ సినిమా చాలా బాగా వచ్చిందని సమాచారం. సంక్రాంతి పండుగ నెల రోజుల ముందే మొదలు కాబోతుందని వారు ఎంతో ధీమాగా చెబుతున్నారు. చిత్ర యూనిట్ సభ్యులు మొత్తం ప్రమోషన్లలో బిజీగా గడుపుతున్నారు. నిజ జీవితంలో మామా అల్లుళ్ళను.. స్క్రీన్ పై చూడడానికి కేవలం దగ్గుబాటి,అక్కినేని అభిమానులు మాత్రమే కాదు యావత్ తెలుగు ప్రేక్షకులు ఎంతో ఆసక్తితో ఎదురుచూస్తున్నారు. దర్శకుడు కె.ఎస్.రవీంద్ర(బాబీ) ఈ చిత్రాన్ని చాలా బాగా తెరకెక్కించాడని చిత్ర యూనిట్ సభ్యులు కూడా ఎంతో కాన్ఫిడెంట్ గా ఉన్నారట.

ఇప్పటికే పలువురు టాలీవుడ్ బడా నిర్మాతలకి ‘వెంకీమామ’ స్పెషల్ షో వేసారట. సినిమా చూసిన నిర్మాతలు అందరూ దర్శకుడు బాబీ తో సినిమా చేయాలని ఆసక్తి చూపిస్తున్నారట. ఈ లిస్ట్ లో అల్లు ఫ్యామిలీ కూడా ఉందని సమాచారం. ఇక ఈ మధ్యే అల్లు అర్జున్ కు.. బాబీ ఓ కథ కూడా వినిపించాడని.. అయితే ఇండస్ట్రీలో ‘వెంకీ మామ’ కి పాజిటివ్ టాక్ వస్తుండడంతో .. బన్నీ .. బాబీ తో సినిమా చేయడానికి రెడీ అవుతున్నట్టు తెలుస్తుంది. ‘అల వైకుంఠపురములో’ సినిమా పూర్తయిన వెంటనే సుకుమార్ డైరెక్షన్లో బన్నీ సినిమా చేయాల్సి ఉంది. ఆ చిత్రం సగం పూర్తయిన వెంటనే బాబీ తో సినిమా చేయడానికి బన్నీ ప్లాన్ చేసుకుంటున్నాడట. మరి చివరికి ఏం జరుగుతుందో చూడాలి..!

24 గంటల్లో హైయెస్ట్ వ్యూస్ అండ్ లైక్స్ సాధించిన లిరికల్ సాంగ్స్ ఇవే!
30 సౌత్ ఇండియన్ హీరోయిన్లు మరియు వారి చైల్డ్ హుడ్ పిక్స్!