కొన్ని సినిమాలు ప్రేక్షకులకు నచ్చినా వేర్వేరు కారణాల వల్ల బాక్సాఫీస్ వద్ద ఆశించిన ఫలితాన్ని అందుకోవు. యంగ్ టైగర్ ఎన్టీఆర్ సురేందర్ రెడ్డి కాంబినేషన్ లో బీ.వీ.ఎస్.ఎన్ ప్రసాద్ నిర్మాతగా తెరకెక్కిన ఊసరవెల్లి సినిమా బాక్సాఫీస్ వద్ద యావరేజ్ రిజల్ట్ ను అందుకున్న సంగతి తెలిసిందే. ఈ సినిమాలో తారక్ టోనీ పాత్రలో నటించగా తారక్ పాత్రకు ప్రేక్షకుల నుంచి ఆశించిన రేంజ్ లో రెస్పాన్స్ రాలేదు. ఫస్టాఫ్ బాగానే ఉన్నా సెకండాఫ్ లో కథ, కథనం విషయంలో చేసిన కొన్ని పొరపాట్లు ఈ సినిమాకు మైనస్ అయ్యాయి.
అయితే ఊసరవెల్లి సినిమా బన్నీకి బాగా నచ్చిన సినిమాలలో ఒకటి కాగా ఈ సినిమా రీమేక్ లో నటించాలని బన్నీ ఆశ పడుతున్నారు. వినడానికి ఆశ్చర్యంగా అనిపించినా ప్రముఖ రచయిత, డైరెక్టర్ వక్కంతం వంశీ ఈ విషయాలను వెల్లడించడంతో నెటిజన్లు ఆశ్చర్యపోతున్నారు. తారక్ సినిమా అంటే ఇష్టమని బన్నీ వెల్లడించారని తెలిసి ఎన్టీఆర్ అభిమానులు సైతం ఎంతగానో సంతోషిస్తున్నారు. వక్కంతం వంశీ మాట్లాడుతూ బన్నీకి నా సినిమా కథలలో రెండు సినిమాలు అంటే ఇష్టమని ఊసరవెల్లి, కిక్2 సినిమాలు బన్నీకి ఎంతగానో నచ్చాయని వక్కంతం వంశీ వెల్లడించారు.
ఊసరవల్లి కథను రీవర్క్ చేసి మళ్లీ నేను చేస్తానని బన్నీ చెప్పారని ఆయన తెలిపారు. చిరంజీవి గారి కొండవీటి రాజా సినిమా కోసం 20 రూపాయలు ఇంట్లో దొంగతనం చేశానని వక్కంతం వంశీ చెప్పుకొచ్చారు. నా పేరు సూర్య నా ఇల్లు ఇండియా సినిమా హిట్ అవుతుందని బన్నీ, అల్లు అరవింద్ అనుకున్నారని కానీ ఆ సినిమా ఆశించిన రేంజ్ లో సక్సెస్ సాధించలేదని వక్కంతం వంశీ అన్నారు.
నితిన్ సినిమా స్క్రిప్ట్ కోసం టైమ్ తీసుకుంటున్నానని వక్కంతం వంశీ వెల్లడించారు. వక్కంతం వంశీ వెల్లడించిన విషయాలు సోషల్ మీడియాలో వైరల్ అవుతున్నాయి. వక్కంతం వంశీ భారీగానే రెమ్యునరేషన్ తీసుకుంటున్నారని సమాచారం.
ఆహ నా పెళ్లంట వెబ్ సిరీస్ రివ్యూ& రేటింగ్!
గాలోడు సినిమా రివ్యూ & రేటింగ్!
మసూద సినిమా రివ్యూ & రేటింగ్!
సూపర్ స్టార్ కృష్ణ ట్రెండ్ సెట్టర్ అనడానికి 10 కారణాలు!
Home