Allu Arjun: ఆ క్షణంలో తెలియని ఆనందం.. బన్నీ షాకింగ్ కామెంట్స్ వైరల్!

టాలీవుడ్ స్టార్ హీరోలలో ఒకరైన అల్లు అర్జున్ (Allu Arjun) పుష్ప ది రూల్ (Pushpa 2) సినిమాతో బిజీగా ఉండగా భవిష్యత్తు ప్రాజెక్ట్ లతో భారీ బ్లాక్ బస్టర్ హిట్లను అందుకుంటానని కాన్ఫిడెన్స్ తో ఉన్నారు. ప్రస్తుతం పాన్ ఇండియా స్థాయిలో బన్నీకి క్రేజ్ ఉండగా బన్నీ సూపర్ స్టార్ రజనీకాంత్ గురించి చేసిన కామెంట్స్ ప్రస్తుతం సోషల్ మీడియాలో వైరల్ అవుతున్నాయి. డైరెక్టర్ సుకుమార్ (Sukumar) తో కలిసి చెన్నైకు వెళ్లానని బన్నీ కామెంట్లు చేశారు.

Allu Arjun

ఆ సమయంలో అక్కడ రజనీకాంత్ (Rajinikanth) , శంకర్ (Shankar) కాంబినేషన్ లో రోబో (Robo) మూవీ షూటింగ్ జరుగుతోందని బన్నీ పేర్కొన్నారు. ఆ సమయంలో రోబో సినిమాకు రత్నవేలు (R. Rathnavelu) సినిమాటోగ్రాఫర్ గా ఉన్నారని బన్నీ చెప్పుకొచ్చారు. ఆర్య సినిమాకు కూడా రత్నవేలు సినిమాటోగ్రాఫర్ గా పని చేయడం జరిగిందని బన్నీ కామెంట్లు చేశారు. రత్నవేలు గారిని కలిసి మాట్లాడదాం అని వెళ్లి ఆయనను కలిసి మాట్లాడామని బన్నీ పేర్కొన్నారు.

ఆ సమయంలో రజనీకాంత్ ను కలవాలని ఉన్నా అల్లు అరవింద్ అబ్బాయినని చెప్పి మాటలు కలపడం ఎందుకు అని అనిపించి అక్కడినుంచి బయలుదేరానని బన్నీ చెప్పుకొచ్చారు. ఆ సమయంలో ఎవరో వచ్చి రజనీకాంత్ గారు రమ్మంటున్నారు అని చెప్పారని బన్నీ కామెంట్లు చేశారు. నేను సుకుమార్ వెళ్లి రజనీకాంత్ ను కలిశామని బన్నీ వెల్లడించారు.

రజనీకాంత్ నాతో మాట్లాడుతూ లేడీస్ లో నీకు మంచి ఫ్యాన్ ఫాలోయింగ్ ఉందని తక్కువ సినిమాలతోనే క్రేజ్ సంపాదించుకున్నావని చెప్పడంతో నేను షాకయ్యానని బన్నీ పేర్కొన్నారు. రజనీకాంత్ స్టైల్ కు, క్రేజ్ కు నిదర్శనం అని ఆయన నా గురించి అలా మాట్లాడటంతో షాక్ కు గురయ్యానని అల్లు అర్జున్ పేర్కొన్నారు. బన్నీ చెప్పిన విషయాలు నెట్టింట తెగ వైరల్ అవుతున్నాయి. బన్నీని అభిమానించే ఫ్యాన్స్ సంఖ్య అంతకంతకూ పెరుగుతుండటం గమనార్హం.