యువ హీరోలు, స్టార్ హీరోలు అని తేడా లేకుండా తెలుగు హీరోలు అందరూ పక్కా ప్లాన్ తో ఉన్నారు. ఒక సినిమా సెట్స్ మీద ఉండగానే మరో రెండు సినిమాలకు గ్రీన్ సిగ్నల్ ఇస్తున్నారు. స్టైలిష్ స్టార్ అల్లు అర్జున్ మాత్రం కథలను వింటూ ఉన్నారు తప్ప ఎవరికీ ఒకే చెప్పడం లేదు. అతను తాజాగా వక్కంతం వంశీ దర్శకత్వంలో నటించిన నా పేరు సూర్య సినిమా నిన్న రిలీజ్ అయి మిశ్రమ స్పందన అందుకుంది. అయినప్పటికీ మంచి కలక్షన్స్ వసూలు చేస్తోంది. అయితే ఈ సినిమా తర్వాత బన్నీ ఎవరి దర్శకత్వంలో నటిస్తారనే ప్రశ్న అభిమానులకు కలుగుతోంది. కొన్ని రోజుల క్రితం వరకు కొరటాల శివ దర్శకత్వంలో నటిస్తారని ప్రచారం సాగింది. అయితే కొరటాల టీమ్ ఈ వార్తను ఖండించడంతో.. ఆ కాంబోలో ఇప్పట్లో మూవీ లేదని స్పష్టమైంది.
టాలీవుడ్ వర్గాల వారు అందించిన సమాచారం ప్రకారం బన్నీ నెక్స్ట్ హీరో ఎవరో తెలిసింది. ఇష్క్‌, మనం, 24 , వంటి సినిమాలతో టాలీవుడ్, కోలీవుడ్ లో మంచి గుర్తింపు తెచ్చుకున్న విక్రమ్ కె.కుమార్‌ అక్కినేని అఖిల్ కి కూడా హలో వంటి లవ్లీ హిట్ ఇచ్చారు. అతనే అల్లు అర్జున్ ని డైరక్ట్ చేయబోతున్నట్టు టాక్. ఈ మధ్య విక్రమ్ బన్నీకి ఓ కథ చెప్పడం… అందుకు ఒకే చెప్పడం జరిగిపోయాయంట. అల్లు అర్జున్‌తో ‘రేసుగుర్రం’ వంటి చిత్రాన్ని నిర్మించిన నల్లమలపు బుజ్జి ఈ సినిమాకి నిర్మాతగా వ్యవహరిస్తారని ఫిలింనగర్ వాసులు చెప్పారు. ప్రస్తుతం ప్రీ ప్రొడక్షన్ వర్క్ జరుపుకుంటోన్న ఈ మూవీ గురించి అధికారిక ప్రకటన త్వరలోనే రానుంది.
Home