అభిమానుల మనసు దోచుకున్న స్టైలిష్ స్టార్ అల్లు అర్జున్

సౌత్ హీరోస్ లో పవన్ కళ్యాణ్ తర్వాత ఆ స్థాయి ఫ్యాన్ ఫాలోయింగ్ ఉన్న హీరోల్లో అల్లు అర్జున్ ఒకడు. మనోడికి తెలుగు రాష్ట్రాల్లో మాత్రమే కాదు తమిళ, మలయాళ రాష్ట్రాల్లోనూ భారీస్థాయిలో అభిమాన గణం ఉంది. ఈ అభిమానాన్ని కేవలం తన సినిమాలతో మాత్రమే సంపాదించుకోలేదు అల్లు అర్జున్.. తన అభిమానుల కోసం అల్లు అర్జున్ చేసే చిన్న చిన్న పనులు అతడ్ని అభిమానులకు మరింత దగ్గర చేశాయి. ఇవాళ ఉదయం అలాంటి ఒక సంఘటన ఇవాళ ఉదయం అల్లు అర్జున్ ఆఫీస్ దగ్గర చోటు చేసుకొంది.

• మజిలీ రివ్యూ కోసం ఇక్కడ క్లిక్ చెయ్యండి 
• లక్ష్మీస్ ఎన్టీఆర్  రివ్యూ కోసం ఇక్కడ క్లిక్ చెయ్యండి    
• సూర్యకాంతం రివ్యూ కోసం ఇక్కడ క్లిక్ చెయ్యండి  
• ఫ్రేమకథా చిత్రం 2  రివ్యూ కోసం ఇక్కడ క్లిక్ చెయ్యండి

నేడు అల్లు అర్జున్ జన్మదినాన్ని పురస్కరించుకొని ఆయన అభిమానులు వేలాదిగా తరళిరాగా.. ఎప్పట్లాగే అల్లు అర్జున్ వాళ్లందరినీ కలవడానికి ఆఫీస్ నుంచి బయటకి వచ్చాడు. ఈలోపు భారీగా వడగళ్ళ వాన మొదలైంది. సాధారణంగా అయితే హీరోలు ఇలాంటి సందర్భాల్లో ఆఫీస్ లోపలికి వెళ్లిపోతారు. కానీ.. అల్లు అర్జున్ మాత్రం తన అభిమానులతోపాటుగా తాను కూడా తడుస్తూ ఆ వర్షంలోనే అందరినీ పలకరిస్తూ నిల్చున్నాడు. ఆ సమయంలో అల్లు అర్జున్ తోపాటు ఆయన తనయుడు అల్లు అయాన్ కూడా అక్కడే ఉండి అందరికీ నమస్కరిస్తూ ఉండడం అభిమానుల్ని విశేషంగా అలరించింది. దాంతో అల్లు అర్జున్ అభిమానులందరూ అక్కడ వడగళ్ళ వాన పడుతుందన్న విషయాన్ని కూడా మర్చిపోయి సంతోషంగా నిల్చుండిపోయారు. ప్రస్తుతం ఆ ఫోటోలు, వీడియోలు ఆన్లైన్ లో వైరల్ అయ్యాయి.