అల్లు శిరీష్ హీరోగా వచ్చిన ‘ఎబిసిడి’ చిత్రం ప్లాప్ గా మిగిలింది. మే 17 న విడుదలైన ఈ చిత్రం మొదటి షో నుండే ప్లాప్ టాక్ తెచ్చుకుంది. ఈ చిత్రంతో కచ్చితంగా హిట్టందుకుందామనుకున్న శిరీష్ కు నిరాశే ఎదురైంది. ఈ విషయాన్నీ స్వయంగా శిరీష్ తన సోషల్ మీడియా ద్వారా చెప్పుకొచ్చాడు. తన చిత్రం ప్లాప్ అని ఒప్పుకున్నాడు.
మే 30 న అల్లు శిరీష్ పుట్టిన రోజు నాడు తన సోషల్ మీడియాలో ఇలా చెప్పుకొచ్చాడు.. ” ‘ఎబిసిడి’ చిత్రం విజయం పై చాలా ఆశలు పెట్టుకున్నా… కానీ ఆశించిన మేరకు విజయం సాధించలేదు ఆ చిత్రం. సరైన విజయం కోసం, సరైన ట్రాక్ లో పడే వరకూ కష్టపడి ప్రయత్నిస్తూనే ఉంటా” అంటూ చెప్పుకొచ్చాడు. ఏమైనా ఈమాటలకు శిరీష్ ను అభినందించాల్సిందే..!
