కోలీవుడ్ స్టార్ హీరోయిన్ అమలా పాల్ గురించి ప్రత్యేకంగా చెప్పాల్సిన అవసరం లేదు. ప్రేమ ఖైదీ అనే సినిమాతో అమలా పాల్ కెరీర్ మొదలయ్యింది. తెలుగులో కొన్ని సినిమాల్లో నటించి మెప్పించింది కానీ, విజయాలను మాత్రం అందుకోలేకపోయింది. ఇక కోలీవుడ్ లో మంచి హిట్లను అందుకున్న అమలా.. కోలీవుడ్ డైరెక్టర్ విజయ్ ను ప్రేమించి పెళ్లాడింది. అయితే కొన్ని విబేధాల వలన రెండేళ్లు కూడా నిండకుండానే విడాకులు తీసుకుంది.
ఇక విడాకుల అనంతరం.. ఈ భామ రెచ్చిపోవడం మొదలుపెట్టింది. లేడీ ఓరియెంటెడ్ మూవీస్ నటిస్తూ, నిర్మిస్తూ మంచి గుర్తింపు తెచ్చుకుంది.. ఇంకోపక్క సోషల్ మీడియాలో అందాల ఆరబోతతో కుర్రాళ్లకు నిద్రలేకుండా చేసింది. ఆ సమయంలోనే ఈ చిన్నది.. ముంబైకి చెందిన గాయకుడు భవీంధర్ సింగ్ తో కొన్నాళ్లు ప్రేమాయణం సాగించింది.
ఇక ఈ నేపథ్యలోనే బాయ్ ఫ్రెండ్ భవీంధర్ సింగ్ తో అమలాపాల్ వివాహం జరిగిపోయిందని.. పెళ్లి ఫోటోలు ఇవేనంటూ సోషల్ మీడియాలో కొన్ని ఫోటోలు అప్పట్లో చక్కర్లు కొట్టిన సంగతి తెలిసిందే. ఆ ఫోటోల్లో అమలా పాల్, భవీందర్ సింగ్‌లు పెళ్లి దుస్తుల్లో ఉండటంతో ఈ వార్తలు నిజమే అనుకోన్నారు ఆమె అభిమానులు. ఇక తరువాత అతడు తనను మోసం చేసాడని కేసు కూడా పెట్టింది సంచలనంగా మారింది.
అయితే ఇప్పుడు అమలా పాల్ కొత్త జీవితాన్ని ప్రారంభించింది. రెండో పెళ్లి చేసుకుంది. తన ప్రియుడు, జగత్ దేశాయ్‌ను పెళ్లాడింది. కేర‌ళ‌లోని కొచ్చిలో ఆదివారం (న‌వంబ‌ర్ 5న) వీరి వివాహం గ్రాండ్ గా జ‌రిగింది. ఈ శుభ‌వార్త‌ను నూత‌న వ‌ధూవ‌రులిద్ద‌రూ సోషల్ మీడియా వేదిక‌గా పెళ్లి ఫొటోలను షేర్ చేసి తెలిపారు. ‘రెండు మ‌న‌సులు ఒక్క‌టైన వేళ.. జీవితాంతం ఈ చేయి వ‌ద‌ల‌ను’ అని తన పోస్టుకు క్యాప్ష‌న్ జోడించాడు జగత్. ఈ వివాహ వేడుక‌లో అమలాపాల్ లావెండ‌ర్ కలర్ లెహంగా ధ‌రించి ఎంతో అందంగా కనిపించింది. జగత్ కూడా తన ప్రియురాలికి మ్యాచింగ్‌గా లావెండ‌ర్ కలర్ షేర్వాణీనే ధరించాడు. ప్రస్తుతం ఈ పిక్స్ సోషల్ మీడియాలో వైర‌ల్‌గా మార‌డంతో సెల‌బ్రిటీలు, అభిమానులు కొత్త జంట‌కు శుభాకాంక్ష‌లు చెబుతున్నారు.
View this post on Instagram
View this post on Instagram
Home