అతనితో డేటింగ్ లో ఉన్న అమలా పాల్..!

తొలినాళ్లలో కొన్ని గ్లామర్ ఓరియెంటెడ్ సినిమాలు చేసినా.. తరువాత నటిగా మంచి గుర్తింపు తెచ్చుకుంది అమలా పాల్. మలయాళం అమ్మాయి అయినప్పటికీ.. తమిళంలో వరుసగా స్టార్ హీరోలతో నటించి మంచి క్రేజ్ సంపాదించుకుంది. ఆ తరువాత తెలుగులో కూడా.. నాగ చైతన్య, చరణ్, అల్లు అర్జున్, నాని వంటి హీరోలతో నటించి ఇక్కడ కూడా మంచి పాపులారిటీ సంపాదిచుకుంది. కెరీర్ పీక్స్ లో ఉండగా.. తమిళ దర్శకుడు ఏ.ఎల్.విజయ్ ను పెళ్లి చేసుకుని సినిమాల్ని తగ్గించింది. 2014 లో పెళ్లి చేసుకున్న వీరిద్దరూ.. 2017 లో విడాకులు తీసుకున్నారు. అటు తరువాత విజయ్ ఓ డాక్టర్ ను రెండో పెళ్లి చేసుకున్నాడు.

ఇక అమల కూడా ‘కచ్చితంగా రెండో పెళ్లి చేసుకుంటాను.. సన్యాసిలా మాత్రం ఉండిపోను’ అంటూ చెప్పుకొచ్చిన సంగతి తెలిసిందే. అంతేకాదు .. తన మనసులో కూడా మరో వ్యక్తి ఉన్నాడని అప్పుడు తెలియజేసింది. అయితే ఇటీవల అమల.. ముంబై కు చెందిన ప్రముఖ సింగర్ భవిందర్ సింగ్‌తో ప్రేమలో ఉన్నట్టు తెలుస్తోంది. కొన్నాళ్ల నుండీ అతనితో అమలాపాల్‌ డేటింగ్‌లో ఉన్నట్లు కూడా చెన్నై మీడియా వర్గాల సమాచారం. వీరిద్దరు కలిసి ఉన్న ఫోటోలు సోషల్ మీడియా వైరల్ అవుతుండడంతో ఈ వార్తలు మరింత ఉపందుకున్నాయి. అక్కడైతే అయిపోలేదు.. భవిందర్‌ తన సోషల్‌మీడియా నుండీ అమలాపాల్‌తో ఉన్న ఫొటోల్ని డిలీట్‌ చేయడంతో ప్రస్తుతం ఈ టాపిక్ వైరల్ గా మారింది. ఇక అమల అయితే ప్రస్తుతం 3 సినిమాల్లో నటిస్తూ బిజీగా ఉంది.

1

2

3

Most Recommended Video

యురేక సినిమా రివ్యూ & రేటింగ్!
మధ సినిమా రివ్యూ & రేటింగ్!
మన టాలీవుడ్ డైరెక్టర్స్ మరియు వారి భార్యలు..!