అమలా పాల్‌ జోరు ఈ మధ్య కాలంలో బాగా పెరిగింది. సినిమాల్లో పాత్రలు ఎంచుకోవడంలో ఎంత నేర్పు చూపిస్తోందో, వెబ్ సిరీస్‌ల ఎంపిక విషయంలోనూ అంతే యాక్టివ్‌గా ఉంటోంది. అంతేకాదు ఏకంగా సినిమా నిర్మాణంలోనూ అడుగుపెట్టింది. అవును ఆమె నటిస్తూ, ఓ సినిమా నిర్మిస్తోంది. ఇటీవల ఆమె జన్మదినం సందర్భంగా సినిమా పోస్టర్‌ను చిత్రబృందం విడుదల చేస్తోంది. ఆ పోస్టర్‌ చూస్తే… కచ్చితంగా వావ్‌ అనకమానరు. క్రైమ్‌ థ్రిల్లర్స్‌కు సినిమాల్లో ఎప్పటికీ క్రేజ్‌ ఉంటుంది.
సరైన గ్రిప్పింగ్‌ కథకు, కొన్ని ట్విస్ట్‌లు యాడ్‌ చేస్తే సినిమా పక్కా హిట్. ఈ విషయాన్ని చాలా సినిమాలు నిరూపించాయి. ఇప్పుడు అదే కాన్సెప్ట్‌లో అమలా పాల్‌ నిర్మాతగా మారింది. ‘కడావర్‌’ అనే ఓ థ్రిల్లర్‌ను పట్టాలెక్కించింది. అవయవాల స్మగ్లింగ్‌ నేపథ్యంలో సాగే సినిమా ఇదని తెలుస్తోంది. అయితే ఇందులో ఆమె ఏ పాత్రలో కనిపించనుంది అనేది తెలియాల్సి ఉంది. రిలీజ్‌ చేసిన పోస్టర్‌ చూస్తే మాత్రం… అమలా పాల్‌ కేక అనేలా ఉంది. అంటే మంచి గ్లామర్‌ షో ఉందనుకునేరు.
శవాల మధ్యలో, ఓ టేబుల్‌ మీద కూర్చొని బాక్స్‌లో టిఫిన్‌ చేస్తూ కనిపించింది అమలా పాల్‌. ఆ లుక్‌ అయితే మరో లెవల్‌. టేబుల్‌ మీద ఓ సీసాలో మెదడు, మరో సీసా లివర్‌… ఇలా మనుషుల పార్టులు కనిపిస్తున్నాయి. అయితే ఇందులో అమలా పాల్‌ ఫోరెన్సిక్‌ వైద్యురాలి పాత్ర చేస్తోంది అంటున్నారు కానీ. ఆమె డ్రెస్‌ చూస్తే అలా కనిపించడం లేదు. త్వరలో వివరాలు వెల్లడిస్తారుగా అప్పుడు చూద్దాం. ఎలాగూ ఈ సినిమా తెలుగులోనూ తీసుకొస్తారు.
Most Recommended Video
సంకల్ప బలమే ‘మురారి’ ని క్లాసిక్ చేసింది, 20 ఏళ్ళ ‘మురారి’ వెనుక అంత కథ నడిచిందా…!
ఫ్యాక్షన్ సినిమాకి సరికొత్త డెఫినిషన్ చెప్పిన కృష్ణవంశీ ‘అంతఃపురం’…!
టాలీవుడ్‌ టాప్‌ భామల రెమ్యూనరేషన్‌ ఎంతంటే?
