మాజీ ప్రియుడిపై పగ తీర్చుకుంటున్న హీరోయిన్..?

కోలీవుడ్ లో స్టార్ హీరోయిన్ గా గుర్తింపు తెచ్చుకున్న నటి అమలాపాల్ తెలుగులో కూడా కొన్ని చిత్రాల్లో నటించింది. కెరీర్ పీక్స్ లో ఉన్నప్పుడే తమిళ దర్శకుడు ఏఎల్ విజయ్ ను ప్రేమించి పెళ్లి చేసుకుంది. అయితే ఏడాది తిరగకుండానే మనస్పర్థల కారణంగా ఈ జంట విడిపోయింది. ఆ తరువాత కొంతకాలం సింగిల్ గానే ఉన్న అమలా.. తనను బాగా అర్ధం చేసుకున్న వ్యక్తి జీవితంలోకి వచ్చాడని చెప్పింది. కానీ అతడి వివరాలను బయటపెట్టలేదు. ఇదిలా ఉండగా.. కొంతకాలం క్రితం బాలీవుడ్ సింగర్ భవ్నిందర్ సింగ్ తో పెళ్లి బట్టలో ఉన్న అమలాపాల్ ఫోటోలు వైరల్ అయ్యాయి.

ఈ ఫోటోల్లో ఇద్దరూ లిప్ లాక్ చేసుకొని కనిపించడంతో.. పెళ్లి చేసుకున్నారని అంతా భావించారు. అభిమానులు, సెలబ్రిటీలు సోషల్ మీడియా వేదికగా శుభాకాంక్షలు చెప్పారు. అయితే కాసేపటికే ఈ ఫోటోలను ఇన్స్టాగ్రామ్ నుండి డిలీట్ చేశారు. దానిపై స్పందించిన అమలాపాల్.. ఆ ఫోటోలు ఓ కారణం కోసం తీసినవని, కానీ భవ్నిందర్ సింగ్ తప్పుగా వాడారని తెలిపింది. తాజాగా ఈ వ్యవహారం మరోసారి వెలుగులోకి వచ్చింది. తన అనుమతి లేకుండా.. తన ఫోటోలను ఇన్స్టాగ్రామ్ లో పెట్టి, పెళ్లయిందని పుకార్లు సృష్టించిన భవ్నిందర్ సింగ్ పై చర్యలు తీసుకోవాలంటూ అమలాపాల్ ఫిర్యాదుచేసింది.

దీనిపై సమాధానం చెప్పాలంటూ కోర్టు భవ్నిందర్ సింగ్ కు నోటీసులు పంపించింది. ఎప్పుడో జరిగిన విషయాన్ని అమలాపాల్ ఇప్పుడు బయటకు ఎందుకు తీసుకొచ్చిందని ఆశ్చర్యపోతున్నారు. అమలాపాల్-భవ్నిందర్ సింగ్ ల మధ్య విబేధాలు రావడంతో ఇద్దరూ బ్రేకప్ చెప్పుకున్నారని.. అందుకే పాత విషయాలను తవ్వి.. తన మాజీ ప్రియుడుపై పగ తీర్చుకుంటోందని గుసగుసలు వినిపిస్తున్నాయి. మరి ఈ ప్రచారంపై అమలాపాల్ ఎలా స్పందిస్తుందో చూడాలి!

1

2

3

4

5

6

7

8

9

10

Most Recommended Video

‘ఆర్.ఆర్.ఆర్’ : భీమ్ పాత్రకు రాజమౌళి ఆ పాయింటునే తీసుకున్నాడా?
‘బిగ్ బాస్’ అఖిల్ గురించి మనకు తెలియని విషయాలు..!
టాలీవుడ్లో 30 కోట్ల మార్కెట్ కలిగిన హీరోలు ఎవరో తెలుసా?