మాస్ మహారాజ్ రవితేజ, శ్రీను వైట్ల కలయికలో వచ్చిన నీకోసం, వెంకీ, దుబాయ్ శ్రీను సినిమాలు మంచి విజయాన్ని అందుకున్నాయి. వీరి కలయికలో రూపుదిద్దుకుంటున్న నాలుగో సినిమా “అమర్ అక్బర్ ఆంటోని”. గోవా బ్యూటీ ఇలియానా హీరోయిన్ గా రీ ఎంట్రీ ఇస్తున్న ఈ మూవీ టీజర్ నేడు రిలీజ్ అయి విశేషంగా ఆకట్టుకుంటోంది. “మనకి నిజమైన ఆపద వచ్చినప్పుడు మనల్ని కాపేడేది మన చుట్టూ ఉన్న బలగం కాదు.. మనలో ఉన్న బలం” అని రవితేజ చెప్పే డైలాగ్ కథ ఎంత సీరియస్ గా ఉంటుందో చెబుతోంది. అలాగే హీరో క్యారక్టర్ ని కూడా విభిన్నంగా డిజైన్ చేసినట్లు “వాడు ఎక్కడుంటాడో.. ఎలా ఉంటాడో.. ఎలా వస్తాడో .. ఎవరికీ తెలియదు” అని విలన్ ద్వారా చెప్పించి ఆసక్తి రేకెత్తించారు.
మంచి ప్రేమ కథ కూడా ఉందని ఇలియానా మాటలను బట్టి అర్ధమవుతోంది. అయితే రవితేజ మూడు పాత్రలు పోషించారా? ముగ్గురిగా నటించారా? అనే విషయంలో సస్పెన్స్ మైంటైన్ చేశారు. శ్రీను వైట్ల, రవితేజ మూవీ అంటే నవ్వులకి కొదవ ఉండదు.. కానీ టీజర్ ఆ కోణాన్ని చూపించలేదు. మొత్తానికి “అమర్ అక్బర్ ఆంటోని” సినిమాని కొత్తగా తెరకెక్కించినట్లు తెలుస్తోంది. మైత్రి మూవీ మేకర్స్ వారు నిర్మించిన ఈ సినిమా నవంబర్ 16 న గ్రాండ్ గా రిలీజ్ కానుంది.
Home