Amardeep: వెండి తెర ఎంట్రీకి సిద్ధమైన అమర్!

February 1, 2024 / 02:45 PM ISTByFilmy Focus

Join Us

Amardeep: వెండి తెర ఎంట్రీకి సిద్ధమైన అమర్!

బుల్లితెర నటుడుగా ఎంతో మంచి సక్సెస్ అందుకున్నటువంటి వారిలో నటుడు అమర్ దీప్ చౌదరి ఒకరు. ఈయన ఎన్నో సీరియల్స్ లో నటించి ప్రేక్షకులను పెద్ద ఎత్తున సందడి చేశారు. ఇకపోతే ఇటీవల బిగ్ బాస్ సీజన్ సెవెన్ కార్యక్రమంలో పాల్గొన్నటువంటి ఈయన చివరికి రన్నర్ గా నిలిచి బయటకు వచ్చారు. అమర్ బిగ్ బాస్ కార్యక్రమంలో కొనసాగుతున్న సమయంలో పల్లవి ప్రశాంత్ ను టార్గెట్ చేయడంతో సోషల్ మీడియాలో ఈయనని భారీ స్థాయిలో ట్రోల్ చేశారు.

అంతేకాకుండా గ్రాండ్ ఫినాలే రోజు అమర్ బయటకు రాగా ఆయన ప్రయాణిస్తున్నటువంటి కారుపై దాడి కూడా చేసిన సంగతి మనకు తెలిసిందే. ఏది ఏమైనా బిగ్ బాస్ ద్వారా మాత్రం అమర్ మంచి గుర్తింపు సంపాదించుకున్నారు. ఇకపోతే అమర్ బిగ్ బాస్ కార్యక్రమం పూర్తి అయిన తర్వాత వరుస అవకాశాలను అందుకుంటూ కెరియర్ పరంగా ఎంతో బిజీగా ఉన్నారు. తాజాగా ఈయన వెండితెరపై హీరోగా సందడి చేయడానికి సిద్ధమయ్యారని తెలుస్తుంది.

అమర్ హీరోగా నేడు కొత్త సినిమా పూజ కార్యక్రమాలను పూర్తి చేసుకుంది. ఈ పూజ కార్యక్రమాలు హైదరాబాద్ ప్రసాద్ ల్యాబ్ లో జరిగాయని సమాచారం. ఈ విధంగా అమర్ హీరోగా వెండి తెరపై సందడి చేయడానికి సిద్ధమవుతున్నారని విషయం తెలియడంతో ఈయన పక్కన హీరోయిన్గా ఎవరు నటించబోతున్నారన్న సందేహాలు కూడా అందరిలోనూ మొదలయ్యాయి.

అమర్ (Amardeep) సినిమాలో హీరోయిన్ గా సుప్రీత చాన్స్ కొట్టేశారు. ప్రముఖ టాలీవుడ్ క్యారెక్టర్ ఆర్టిస్ట్ గా కొనసాగుతున్నటువంటి సురేఖవాణి కుమార్తె సుప్రీత ఈ సినిమాలో హీరోయిన్గా నటించబోతున్నారు. త్వరలోనే ఈ సినిమాకు సంబంధించి అన్ని విషయాలను అధికారకంగా వెల్లడించనున్నారు.