పవన్ కళ్యాణ్ (Pawan Kalyan) అభిమానులు సైతం ఆశలు వదిలేసుకున్న సినిమాగా “హరిహర వీరమల్లు” (Hari Hara Veera Mallu) చిత్రాన్ని ఇంటర్నెట్ లో తెగ ట్రోల్ చేస్తున్నారు కానీ.. సినిమా మేకర్స్ రిలీజ్ విషయంలో పడుతున్న టెన్షన్ చూస్తుంటే జాలేస్తుంది. దాదాపుగా నాలుగేళ్లు మేకింగ్ లో ఉన్న ఈ సినిమా ఫస్ట్ పార్ట్ ఫైనల్ ప్రొడక్ట్ ఇంకా రెడీ అవ్వలేదు. అందుకే జూన్ 12 రిలీజ్ అనుకుని నిరవధికంగా వాయిదా వేశారు. ఇప్పుడు కొత్త రిలీజ్ డేట్ ఎప్పడు అనేది ఎవ్వరికీ క్లారిటీ లేదు.
అయితే.. చిత్ర నిర్మాత ఏ.ఎం.రత్నం (AM Rathnam) & దర్శకుడు జ్యోతి కృష్ణ (Jyothi Krishna) మీద కొత్త ప్రెజన్ పడింది. ఆ ప్రెజర్ పెట్టింది ఫ్యాన్స్ కాదు, సినిమా ఓటీటీ హక్కుల్ని సొంతం చేసుకున్న అమెజాన్ ప్రైమ్ సంస్థ. ఈ సినిమా విషయంలో ఇప్పటికే రెండుసార్లు అగ్రిమెంట్లు ఛేంజ్ చేసిన ప్రైమ్ సంస్థ మరోసారి మార్చేందుకు అస్సలు ఆసక్తి చూపడం లేదు. ఎట్టి పరిస్థితుల్లోనూ జులైలో సినిమాను రిలీజ్ చేయాల్సిందేనని హుకుం జారీ చేసాయట. దాంతో ఏం చేయాలో తోచని పరిస్థితిలో పడ్డారు ఏ.ఎం.రత్నం.
ఆల్రెడీ జులై నెల రిలీజ్ డేట్స్ ను కొన్ని సినిమాలు బ్లాక్ చేసుకున్నాయి. జూలై 4న “తమ్ముడు” (Thammudu) , జూలై 11న “ఘాటి”(Ghaati), జూలై 25న “కింగ్డమ్” (Kingdom) సినిమాలు రిలీజ్ కి రెడీ అవుతున్నాయి. వీరిలో “హరిహర వీరమల్లు” సినిమా కోసం తమ సినిమాని పోస్ట్ పోన్ చేసుకోవడానికి అందరూ సిద్ధంగా ఉన్నప్పటికీ.. సినిమా ఫైనల్ అవుట్ పుట్ అనేది ఇంకా రెడీ అవ్వకపోవడం ఇక్కడ పెద్ద మైనస్ గా మారింది. ఇంకా సీజీ వర్క్, ఫైనల్ కట్ పెండింగ్ ఉన్నాయి.
ఇవి ఎప్పటికీ అవుతాయి అనే విషయంలో క్లారిటీ లేదు. ఆల్రెడీ ఈ సినిమా కోసం పవన్ కళ్యాణ్ తాను తీసుకున్న అడ్వాన్స్ 10 కోట్లు వెన్నక్కి ఇవ్వడమే కాక, తన రాజకీయ ప్రస్థానం కారణంగా సినిమా డిలే అవ్వడంతో సినిమాకి రెమ్యూనరేషన్ వద్దని చెప్పేశాడట. మరి ఇప్పుడు మేకర్స్ ఏం చేస్తారు, ఎప్పడు రిలీజ్ చేస్తారు, అమెజాన్ ప్రైమ్ ను ఎలా మ్యానేజ్ చేస్తారు అనేది చూడాలి.
