బిగ్ బీ, భారతీయ సినీ రారాజు అమితాబ్ బచ్చన్ కి టాలీవుడ్ తో ఎప్పటి నుంచి అనుబంధం ఉంది. అనేక వేడుకలకు హాజరై అవార్డులు ప్రదానం చేశారు. అయితే తెలుగు సినిమాల్లో నటించమని ఎప్పటి నుంచో రిక్వెస్ట్ చేస్తున్నప్పటికీ తెలుగు భాష బాగా మాట్లాడగలిగితేనే నటిస్తానని, తనకి వేరే వారు డబ్బింగ్ చెబితే నచ్చదని తిరస్కరిస్తూ వచ్చారు. మొత్తానికి “మనం” సినిమాలో కాసేపు కనిపించారు. అయితే ఇంగ్లిష్ లోనే మాట్లాడారు. తొలిసారి సైరా నరసింహారెడ్డి సినిమాలో తెలుగులో మాట్లాడబోతున్నారు. ఇందులో చిరంజీవికి గురువుగారిగా కనిపించబోతున్నారు. తాజాగా బిగ్ బీ మరో తెలుగు సినిమాలో నటించడానికి గ్రీన్ సిగ్నల్ ఇచ్చినట్లు తెలిసింది. త్రివిక్రమ్ దర్శకత్వంలో ఎన్టీఆర్ చేస్తున్న అరవింద సమేత వీర రాఘవ సినిమాలో గెస్ట్ రోల్ పోషిస్తున్నట్లు ఫిలిం నగర్ వాసులు చెప్పారు.
ఈ చిత్రంలో మెగా బ్రదర్ నాగబాబు ఎన్టీఆర్ కి తండ్రిగా కనిపించబోతున్నారు. ఎన్టీఆర్, త్రివిక్రమ్ కాంబో ఎంత అరుదైనదో.. నాగబాబు, తారక్ కాంబో కూడా అంత అరుదైనది. అందుకే ఈ మూవీపై విపరీతమైన క్రేజ్ ఉంది. ఇక ఇందులో అమితాబ్ నటిస్తే.. మరింత క్రేజ్ రానుంది. ఈ విషయాన్ని త్వరలోనే అధికారికంగా ప్రకటించనున్నారు. ఈ సినిమా కోసం ఎస్ ఎస్ థమన్ స్వరపరిచిన పాటలను ఈనెల 20 న రిలీజ్ చేయనున్నారు ఈ వేడుకకు ముఖ్య అతిధులుగా బాలకృష్ణ, మహేష్ బాబు రాబోతున్నారు. త్రివిక్రమ్ షూటింగ్, పబ్లిసిటీ ప్లాన్ చూస్తుంటే ఎన్టీఆర్ కి భారీ హిట్ ఆలోచనలో ఉన్నట్టు స్పష్టమవుతోంది.
