సీన్ పండడం కోసం నిజంగా కొట్టించుకొన్నాడు..!

“అర్జున్ రెడ్డి” సినిమాలో టైటిల్ రోల్ ప్లే చేసిన విజయ్ దేవరకొండకు ఎంత పేరొచ్చిందో.. అదే సినిమాలో అర్జున్ రెడ్డి పాప అదేనండీ కీర్తి అలియాస్ షాలినిని ఏడిపించే అమిత్ కూడా అదే స్థాయిలో పేరొచ్చింది. టీజర్ లో విజయ్ దేవరకొండ వెటకారంగా “రేయ్ అమిత్” అని పిలిచేది అతగాడ్నే. సినిమాలో అర్జున్ రెడ్డి తన గర్ల్ ఫ్రెండ్ కి రంగులు పూసి ఎక్కడపడితే అక్కడ చేతులు వేశాడని అమిత్ ను ఇరగ్గొడతాడు. అది చాలా ఎమోషనల్ సీన్.. మామూలుగా ఫేక్ ఫైట్ పడితే ఎమోషన్ పండే అవకాశాలు చాలా తక్కువ. అందుకే ఆ సీన్ లో తనను నిజంగానే కొట్టమని తానే చెప్పాడట అమిత్.

అందుకే ఆ ఎమోషనల్ సీన్ ఆ రేంజ్ లో పండింది. ఇప్పుడు అమిత్ బాబుకి కూడా వరుస ప్రోజెక్ట్స్ లో అవకాశాలు వెల్లువెత్తుతున్నాయి, అన్నిటికంటే ముఖ్యంగా ప్రభాస్ “సాహో”లో అమిత్ ఒక కీలకపాత్ర పోషిస్తున్నాడు. ఇవి మాత్రమే కాక మరో రెండు భారీ ప్రొజెక్ట్స్ లోనూ అమిత్ నటించనున్నాడని సమాచారం.

Also, do SUBSCRIBE to our YouTube channel to get latest Tollywood updates.