టిష్ నటి అమీజాక్సన్ కు సౌత్ లో ఉన్న పాపులారిటీ గురించి ప్రత్యేకంగా చెప్పాల్సిన అవసరం లేదు. శంకర్ దర్శకత్వంలో రెండు సినిమాల్లో నటించిన అమీ జాక్సన్ తెలుగులోనూ “ఎవడు” సినిమాలో మెరిసింది. “రోబో 2.0” తర్వాత అమీ మరో తెలుగు కానీ తమిళ ప్రొజెక్ట్ కానీ సైన్ చేయలేదు. ఉన్నట్లుండి తాను జార్జ్ అనే వ్యక్తితో ప్రేమలో ఉన్నానని ప్రకటించేసరికి ఇకపై అమ్మడు సౌత్ సినిమాల్లో కనిపించదని కన్ఫర్మ్ చేసుకున్నారు జనాలందరూ. ఇక అమ్మడు సడన్ గా తాను తల్లి కాబోతున్నానని ప్రకటించింది. అమీ జాక్సన్ చాలా ఆనందంతో షేర్ చేసుకున్న ఫోటో ఇంటర్నెట్ లో హల్ చల్ చేయడం మొదలెట్టింది. పెళ్లికి ముందే తల్లవ్వడం ఏంటీ అని కొందరు అడిగినప్పటికీ.. పాశ్చ్యాత్య దేశాల్లో ఇదంతా కావడంతో సైలెంట్ అయిపోయారు.
అయితే.. అమ్మడు తల్లి అయిన తర్వాత కూడా తన జిమ్ సెషన్స్ లో మాత్రం ఎలాంటి మార్పు లేకుండా చూసుకొంది. ముఖ్యంగా నాలుగు నెలల కడుపుతో కూడా అమీ జిమ్ లో చేస్తున్న ఎక్సైర్ సైజులు జనాలకి షాక్ ఇస్తున్నాయి. ఇవాళ అమీ తను జిమ్ లో వ్యాయామం చేస్తున్న ఫోటోలు ఇన్స్టాగ్రామ్ లో షేర్ చేసింది. ఆ ఫోటోలు చూస్తున్నవాళ్ళందరూ అమీ కార్యాచరణను మెచ్చుకొంటున్నారు. ఏదేమైనా అమీ సూపరబ్బా!
