మాస్ మహారాజ రవితేజ ప్రస్తుతం ‘ఖిలాడి’ అనే భారీ సినిమాలో నటిస్తున్నాడు. రమేష్ వర్మ డైరెక్ట్ చేస్తోన్న ఈ సినిమా షూటింగ్ దశలో ఉంది. వీలైనంత త్వరగా షూటింగ్ పూర్తి చేసి సినిమాను విడుదల చేయాలనుకుంటున్నారు. అయితే ఈ సినిమాతో పాటు కొత్త దర్శకుడు శరత్ మండవతో మరో సినిమా చేయడానికి అంగీకరించాడు రవితేజ. ఈరోజు నుండే శరత్ తన కొత్త సినిమా షూటింగ్ మొదలుపెట్టాడు. ఈ సినిమాకి ‘ఎమ్మార్వో’ అనే టైటిల్ ను పెట్టాలని అనుకుంటున్నారట.
ఈ సినిమాలో రవితేజ ఎమ్మార్వోగా కనిపిస్తారని.. అందుకే ఈ టైటిల్ యాప్ట్ గా ఉంటుందని భావిస్తున్నారు. ఈ సినిమాలో ఎర్రచందనం రవాణా లాంటి వ్యవహారాలు కూడా ఉంటాయని తెలుస్తోంది. సుధాకర్ చెరుకూరి నిర్మిస్తోన్న ఈ సినిమాలో దివ్యాంక కౌశిక్ హీరోయిన్ గా కనిపించనుందని సమాచారం. నిజానికి ‘ఖిలాడి’ సినిమా తరువాత త్రినాధరావు నక్కిన దర్శకత్వంలో సినిమా చేయాలనుకున్నారు రవితేజ. కానీ స్క్రిప్ట్ లో మార్పులు, చేర్పులు చేయాల్సి రావడంతో రవితేజ.. శరత్ మండవ సినిమాను మొదలుపెట్టారు.
Most Recommended Video
విజయేంద్ర ప్రసాద్ గారి గురించి 10 ఆసక్తికరమైన విషయాలు..!
ఈ 10 స్పీచ్ లు వింటే ఈ స్టార్లకు ఫ్యాన్స్ అయిపోతారు అంతే..!
నయన్, అవికా టు అలియా.. డేటింగ్ కి ఓకే పెళ్ళికి నొ అంటున్న భామలు..!
Home
