సినిమాల్లో కొన్ని కాంబినేషన్లు ఎంత సెట్‌ చేద్దాం అనుకున్నా జరగవు. కొన్ని ఏం అనుకోకుండా, పెద్ద కష్టపడకుండానే జరిగిపోతాయి. అలా కుదిరితే చూడటానికి రెండు, మూడు జతల కళ్లు ఉన్నా సరిపోవు. అలాంటివాటిలో రజనీకాంత్‌ – మోహన్‌బాబు ఒకటి. ఈ ఇద్దరూ ఇప్పటివరకు ఒకసారి వెండితెరపై కనిపించారు. ‘పెదరాయుడు’లో వారి కాంబో చూడటానికి ఫ్యాన్స్‌ పదే పదే సినిమా చూసారంటారు నాటి మనుషులు. మళ్లీ ఆ కాంబో అయితే కుదర్లేదు. అయితే ఇటీవల ఇద్దరూ దిగిన ఫొటో ఒకటి బయటకు వచ్చింది. దీంతో ఈ కాంబో గురించి ఆసక్తికర చర్చ జరుగుతోంది.
రజనీకాంత్‌ – మోహన్‌బాబు సినిమా అంటే… ఆ ఊహే ఎంతో ఆనందానిస్తుంది. కారణం ఇద్దరి స్క్రీన్‌ ప్రజెన్స్‌ తెర మీద చూస్తే గూస్‌బంప్స్‌ గ్యారంటీ. అయితే ఇప్పుడున్న పరిస్థితుల్లో ఈ ఇద్దరితో మల్టీస్టారర్‌ ఊహించలేం. అయితే కామియోనో, లేక ఇంకేదైనా స్పెషల్‌ పాత్ర అయితే ఒకరి సినిమాలో ఒకరు చేసే అవకాశం అయితే ఉంది. ఎలాగూ ఇద్దరూ ఇంకా స్టిల్‌ సినిమా చేస్తూనే ఉన్నారు. అందులోనూ మంచి పాత్ర వస్తే కేమియోలకు ఇద్దరూ వ్యతిరేకం కాదు. కాబట్టి ఆశించొచ్చు.
ఇదంతా అర్థమయి ఏమో నెటిజన్లు సోషల్‌ మీడియాలో ఈ విషయం మీద చర్చ జరుగుతోంది. ఇవన్నీ చూసి మోహన్‌బాబు, రజనీకాంత్‌తో మాట్లాడి ఓ సినిమా ఓకే చేస్తారేమో. అయితే ‘ఒరిజినల్‌ గ్యాంగ్‌స్టర్స్‌’ అంటూ ఈ ఫొటోలను ట్వీట్ చేస్తూ మంచు విష్ణు రాసుకొచ్చాడు. ఆ లైన్‌లో ఎవరైనా దర్శకుడు, రచయిత ఊహించి కథ రాసుకొస్తే ఇంకా బాగుండు. అలాంటి పాత్రల్లో ఇద్దరూ ఇద్దరే కదా. తథాస్తు దేవతలూ ఎక్కడన్నా ఎవరన్నా ఈ ఆలోచన చేస్తుంటే ‘ఊ’ అనేద్దురు.
Most Recommended Video
టాలీవుడ్ స్టార్ హీరోల ఫేవరెట్ ఫుడ్స్ ఇవే..?
ఈ 10 సినిమాల్లో కనిపించని పాత్రలను గమనించారా?
2020 లో పాజిటివ్ టాక్ వచ్చినా బ్రేక్ ఈవెన్ కానీ సినిమాల లిస్ట్..!
Home