Baby Movie: దేవుడా.. బేబీ మూవీ నిడివి విషయంలో వాళ్ల నిర్ణయం రైటేనా?

July 12, 2023 / 12:57 AM ISTByFilmy Focus

Join Us

Baby Movie: దేవుడా.. బేబీ మూవీ నిడివి విషయంలో వాళ్ల నిర్ణయం రైటేనా?

ఆనంద్ దేవరకొండ, వైష్ణవి చైతన్య, విరాజ్ అశ్విన్ కాంబినేషన్ లో తెరకెక్కిన బేబీ మూవీ నుంచి తాజాగా విడుదలైన ట్రైలర్ కు అదిరిపోయే రెస్పాన్స్ వచ్చింది. యూట్యూబ్ లో ఈ సినిమా ట్రైలర్ సరికొత్త రికార్డులు క్రియేట్ చేస్తున్న సంగతి తెలిసిందే. ఈ ట్రైలర్ కు ఇప్పటివరకు 6. మిలియన్ల వ్యూస్ వచ్చాయి. బాక్సాఫీస్ వద్ద ఈ ట్రై యాంగిల్ లవ్ స్టోరీ కచ్చితంగా సక్సెస్ సాధిస్తుందని ఇప్పటికే ట్రైలర్ ను చూసిన ప్రేక్షకులు భావిస్తున్నారు.

ఈ సినిమాలో (Baby) నటించిన నటీనటులకు స్టార్ స్టేటస్ వస్తుందని అభిప్రాయాలు వ్యక్తమవుతున్నాయి. బుక్ మై షో వెబ్ సైట్ లో ఇప్పటికే ఈ సినిమాకు సంబంధించిన బుకింగ్స్ మొదలయ్యాయి. ప్రసాద్ మల్టీప్లెక్స్ లో ఈ నెల 13వ తేదీన రాత్రి 10.45 గంటలకు ఈ సినిమా ప్రీమియర్ ప్రదర్శితం కానుంది. మేకర్స్ కు ఈ సినిమా రిజల్ట్ పై కాన్ఫిడెన్స్ ఉండటంతో ప్రీమియర్స్ వేస్తున్నట్టు తెలుస్తోంది. అయితే ఈ సినిమా నిడివి గురించి ఒక వార్త వైరల్ అవుతుండటం గమనార్హం.

2 గంటల 58 నిమిషాల నిడివితో ఈ సినిమా రిలీజ్ కానుందని తెలుస్తోంది. అర్జున్ రెడ్డి సినిమా కూడా దాదాపుగా ఇంతే నిడివితో విడుదలైంది. సినిమాకు పాజిటివ్ టాక్ వస్తే ప్రేక్షకులకు నిడివి అనేది పెద్ద సమస్య కాదు. ఎమోషన్స్ పై బేబీ మూవీ రిజల్ట్ ఆధారపడి ఉంటుందని కామెంట్లు వ్యక్తమవుతూ ఉండటం గమనార్హం.

ఈ సినిమా తన ఇమేజ్, రేంజ్ ను పెంచుతుందని ఆనంద్ దేవరకొండ పూర్తిస్థాయిలో కాన్ఫిడెన్స్ తో ఉన్నారు. సాయి రాజేష్ ఈ సినిమాతో అంచనాలను అందుకోవడంతో పాటు భారీ బ్లాక్ బస్టర్ హిట్ ను ఖాతాలో వేసుకుంటారేమో చూడాలి. నిర్మాతగా, దర్శకునిగా సాయి రాజేష్ సత్తా చాటుతున్నారు. ట్యాక్సీవాలా తర్వాత నిర్మాత ఎస్కేఎన్ కు ఈ సినిమాతో మరో భారీ హిట్ దక్కుతుందేమో చూడాలి.