Ananya Panday: రౌడీ హీరో పై ప్రశంసలు కురిపించిన అనన్య పాండే!

May 14, 2022 / 08:01 PM ISTByFilmy Focus

Join Us

Ananya Panday: రౌడీ హీరో పై ప్రశంసలు కురిపించిన అనన్య పాండే!

ప్రస్తుతం టాలీవుడ్ ఇండస్ట్రీలో ఉన్న హీరోల రేంజ్ భారీగా పెరిగిపోయింది. బాలీవుడ్ హీరోలకు సమానంగా అంతకుమించి అనేలా టాలీవుడ్ హీరోలు ఉత్తరాది రాష్ట్రాలలో మంచి క్రేజ్ ఏర్పరుచుకున్నారు. ఈ క్రమంలోనే టాలీవుడ్ హీరోలు వరుస పాన్ ఇండియా సినిమాలతో ప్రేక్షకులను సందడి చేయడానికి సిద్ధమయ్యారు. ఈ క్రమంలో ఇప్పటికే ప్రభాస్ ఎన్టీఆర్ రామ్ చరణ్ అల్లు అర్జున్ వంటి హీరోలు నటించిన సినిమాలు ఇండియా స్థాయిలో విడుదల అయి మంచి గుర్తింపు పొందాయి.

తాజాగా మరో హీరో సినిమా కూడా పాన్ ఇండియా స్థాయిలో విడుదలకు సిద్ధం అవుతోంది. పూరి జగన్నాథ్ దర్శకత్వంలో రౌడీ హీరో విజయ్ దేవరకొండ నటించిన చిత్రం లైగర్. ఈ సినిమా బాక్సింగ్ నేపథ్యంలో పాన్ ఇండియా స్థాయిలో తెరకెక్కింది.ఇప్పటికే షూటింగ్ పూర్తి చేసుకున్న ఈ సినిమా పోస్ట్ ప్రొడక్షన్ పనులను శరవేగంగా జరుపుకుంటుంది. ఈ సినిమాని ఆగస్ట్ 25 వ తేదీ విడుదల చేయడానికి చిత్ర బృందం పెద్ద ఎత్తున ఏర్పాట్లు చేస్తున్నారు.

తాజాగా ఈ సినిమాలో హీరోయిన్ పాత్రలో నటించిన అనన్య పాండే ఒక జాతీయ మీడియాకు ఇంటర్వ్యూ ఇచ్చారు.ఈ ఇంటర్వ్యూలో భాగంగా అనన్య పాండే లైజర్ సినిమా గురించి ఎన్నో ఆసక్తికరమైన విషయాలను వెల్లడించారు. ఈ సినిమాలో నటించడం చాలా సంతోషంగా ఉందని ముఖ్యంగా షూటింగ్ సమయంలో హీరో విజయ్ దేవరకొండ, దర్శక నిర్మాతలతో కలిసి ఎంతో సరదాగా గడిపే వాళ్ళం అంటూ ఈమె ఆ క్షణాలను గుర్తు చేసుకున్నారు. ఈ విధంగా లైగర్ సినిమా షూటింగ్ సమయంలో గడిపిన ఆ క్షణాలను ఎప్పటికీ మర్చిపోలేనని తెలిపారు.

ఇక హీరో విజయ్ దేవరకొండ గురించి మాట్లాడుతూ ఈమె ఆయన పై ప్రశంసలు కురిపించారు.విజయ్ అందరితో ఎంతో సరదాగా గడుపుతారని చాలా మంచి వ్యక్తి అంటూ విజయ్ దేవరకొండ గురించి చెప్పుకొచ్చారు. ఇక ఆయనకు దయాగుణం కూడా చాలా ఎక్కువ అంటూ రౌడీ హీరోపై అనన్య పాండే పొగడ్తల వర్షం కురిపించారు. పూరి జగన్నాథ్ దర్శకత్వంలో బాక్సింగ్ నేపథ్యంలో తెరకెక్కిన ఈ సినిమా ధర్మ ప్రొడక్షన్స్ బ్యానర్, పూరి కనేక్ట్స్ బ్యానర్ లో తెరకెక్కింది.

Vijay Devarakonda Ananya Panday2