పూరీ జగన్నాథ్ డైరెక్షన్ లో విజయ్ దేవరకొండ హీరోగా తెరకెక్కిన లైగర్ మూవీ ఈ నెల 25వ తేదీన థియేటర్లలో రిలీజ్ కానుంది. గురువారం రోజున ఈ సినిమా రిలీజ్ కానుండటంతో లాంగ్ వీకెండ్ ఈ సినిమాకు ప్లస్ అవుతుందని కామెంట్లు వ్యక్తమవుతున్నాయి. విజయ్ దేవరకొండ ఈ సినిమా కోసం 30 కోట్ల రూపాయల రెమ్యునరేషన్ తీసుకోగా అనన్య పాండే 3 కోట్ల రూపాయల రెమ్యునరేషన్ తీసుకున్నారని బోగట్టా. మైక్ టైసన్ కు మాత్రం ఏకంగా 40 కోట్ల రూపాయల పారితోషికం ఇచ్చారని వార్తలు ప్రచారంలోకి వస్తున్నాయి.
లైగర్ ప్రమోషన్స్ లో భాగంగా ఇంటర్వ్యూలు ఇస్తున్న అనన్య పాండే అల్లు అర్జున్ తన ఫేవరెట్ హీరో అని చెప్పుకొచ్చారు. బన్నీ డ్యాన్స్ తనను ఆశ్చర్యపరిచే విధంగా ఉంటుందని అనన్య పాండే కామెంట్లు చేయడం గమనార్హం. బన్నీ నటించిన సినిమాలలో ఒకటైన అల వైకుంఠపురములో సినిమాను తాను చూశానని ఆమె వెల్లడించారు. అల వైకుంఠపురములో సినిమాలో బన్నీ యాక్టింగ్ కు నేను ఫిదా అయ్యానని ఆమె కామెంట్లు చేశారు. ఫేవరెట్ హీరోయిన్ ఎవరనే ప్రశ్నకు అనన్య పాండే స్పందిస్తూ అలియా భట్ పేరు చెప్పారు.
తాజాగా వరంగల్ లో లైగర్ మూవీ ఈవెంట్ గ్రాండ్ గా జరగగా ఈ ఈవెంట్ లో అనన్య పాండే తెలుగులో మాట్లాడి అందరినీ ఆశ్చర్యపరిచారు. విజయ్ దేవరకొండ తనకు తెలుగు నేర్పించారని ఆమె చెప్పుకొచ్చారు. లైగర్ సినిమా బ్లాక్ బస్టర్ హిట్ గా నిలవాలని ఫ్యాన్స్ భావిస్తున్నారు. విజయ్ దేవరకొండ కెరీర్ కు ఈ సినిమా కీలకం కావడంతో ఈ సినిమాతో విజయ్ దేవరకొండ కోరుకున్న సక్సెస్ దక్కాలని ఫ్యాన్స్ భావిస్తున్నారు.
పూరీ జగన్నాథ్ కు నిర్మాతగా కూడా ఈ సినిమా సక్సెస్ సాధించడం కీలకమనే సంగతి తెలిసిందే. ఇస్మార్ట్ శంకర్ తో సక్సెస్ సాధించిన పూరీ జగన్నాథ్ లైగర్ సినిమాతో ఆ సక్సెస్ ను కంటిన్యూ చేయాలని భావిస్తున్నారు.
Most Recommended Video
తరుణ్,ఎన్టీఆర్ టు కళ్యాణ్ రామ్.. సినిమాల్లో చనిపోయే పాత్రలు చేసిన స్టార్లు..!
చేయని తప్పుకి శాస్త్రవేత్తపై దేశద్రోహి కేసు..!
క్రేజీ ప్రాజెక్టులు పట్టేసిన 10 మంది కొత్త డైరెక్టర్లు.. హిట్లు కొడతారా?
Home
