రంగమ్మత్త రోల్ లో అనసూయ అదరగొడుతుందిగా

బుల్లితెరపై తన అందంతో, వాక్చాతుర్యంతో కుర్రాళ్ళ మతులు పోగొడుతున్న అనసూయ నటించిన తొలి చిత్రమైన ‘సోగ్గాడే చిన్ని నాయన’లోనే నడుమందాలతో ఫిదా చేసేసింది. ఆ తర్వాత ‘క్షణం’ చిత్రంలో నెగిటివ్ షేడ్ లో నటిగా తన స్టామినాను ప్రూవ్ చేసుకొంది. ఆ తర్వాత “విన్నర్”లో స్పెషల్ సాంగ్ లో అలరించగా.. ‘గాయత్రి’లో జర్నలిస్ట్ గా నటించి తన ఉనికిని చాటుకొంది. తాజాగా “రంగస్థలం” చిత్రంలో రంగమ్మత్తగా నటించింది. ఈ సినిమాలో ఆమె క్యారెక్టర్ ఇంట్రో పోస్టర్ ను నిన్న విడుదల చేసిన క్యాస్ట్ అండ్ క్రూ లిస్ట్ వీడియోలోనే రిలీజ్ చేశారు. కనిపించిన కాసేపటి గ్లింప్స్ కే చాలా మంది చొంగ కార్చుకొన్నారు.

మరి ఇదే కరెక్ట్ టైమ్ అనుకొందో లేక మరో రీజనో తెలియదు కానీ.. కొన్నాళ్లుగా కారణాంతరాల వలన సోషల్ మీడియాకి దూరంగా ఉంటున్న అనసూయ ఇవాళ సడన్ గా “రంగమ్మత్త” మాంచి హాట్ స్టిల్ ఒకటి షేర్ చేసి సోషల్ మీడియాలోకి రీఎంట్రీ ఇచ్చింది. కాస్త వయసు పైబడిన మధ్యవయస్కురాలిగా అనసూయ ఈ చిత్రంలో కనిపించనుందని తెలుస్తోంది కానీ.. ఆమె లుక్స్ మాత్రం చాలా సెడక్టివ్ గా ఉన్నాయి. నిన్న సుకుమార్ కూడా అమ్మడిని విపరీతంగా పొగిడేశాడు. కథలో కూడా అనసూయ పాత్ర చాలా ప్రముఖంగా ఉండబోతోందట. మరి రంగమ్మత్తగా ఒక్క ఫోటో తోనే రచ్చ చేస్తున్న అనసూయ.. సినిమాలో ఇంక ఏస్థాయిలో రెచ్చిపోయిందో తెలియాలంటే మార్చి 30 వరకూ ఆగాల్సిందే.