సిల్క్ స్మిత గెటప్ లో హాట్ యాంకర్!

December 5, 2020 / 02:33 PM ISTByFilmy Focus

Join Us

‘జబర్దస్త్’ షోతో బుల్లితెరపై హాట్ యాంకర్ గా గుర్తింపు తెచ్చుకున్న అనసూయ.. వెండితెరపై కూడా తన సత్తా చాటింది. ‘రంగస్థలం’ సినిమాలో రంగమ్మత్తగా ఆమె పోషించిన పాత్ర మంచి పాపులారిటీ తీసుకొచ్చింది. దీంతో ఆమెకి సినిమా అవకాశాలు బాగా పెరిగాయి. ‘రంగమార్తాండ’, ‘ఖిలాడి’ లాంటి సినిమాల్లో కీలక పాత్రలు పోషిస్తోంది. అలానే ‘థాంక్యూ బ్రదర్’ సినిమాలో ప్రధాన పాత్ర పోషిస్తోంది. ఇప్పటివరకు టాలీవుడ్ ఇండస్ట్రీకి పరిమితమైన అనసూయ ఇప్పుడు తమిళ ప్రేక్షకులను పలకరించడానికి సిద్ధమవుతోంది.

తొలిసారి ఆమె తమిళ సినిమాలో నటిస్తోంది. అది కూడా స్టార్ హీరో విజయ్ సేతుపతి సినిమా కావడం విశేషం. ఈ విషయాన్ని అనసూయ స్వయంగా వెల్లడించింది. తన ఇన్స్టాగ్రామ్ లో ఓ బ్లాక్ అండ్ ఫోటో షేర్ చేసిన అనసూయ ”మరో మంది కథలో జీవిస్తున్నాను. కొత్త ప్రయాణం” అని రాసుకొచ్చింది. ఈ ఫొటోలో అనసూయ అద్దంలో తన అందాన్ని చూసుకుంటూ కనిపించింది. ఈ లుక్ కి సిల్క్ స్మిత రిఫరెన్స్ అంటూ ఆమె పేర్కొనడం ఆసక్తికరంగా మారింది.

అంటే ఈ సినిమాలో అనసూయ సిల్క్ స్మిత పోలిన పాత్రలో నటిస్తున్నారా..? అనే అనుమానం కలుగుతోంది. మొత్తానికి అనసూయ ఓ మంచి సినిమాతో కోలీవుడ్ ఇండస్ట్రీలోకి అడుగుపెడుతుండడంతో ఆమె అభిమానులు ఆల్ ది బెస్ట్ చెబుతూ కామెంట్లు పెడుతున్నారు.