మెగాస్టార్, కొరటాల సినిమా నుండీ అనసూయ ఔట్..!

‘జబర్దస్త్’ తో మంచి క్రేజ్ ను సంపాదించుకున్న అనసూయ.. సినిమాల్లో కూడా బాగా రాణిస్తున్న సంగతి తెలిసిందే. ‘జబర్దస్త్’ స్టేజి పై గ్లామర్ షో చేసే ఈ భామ.. సినిమాల విషయంలో మాత్రం చాలా పేరుతెచ్చిపెట్టే పాత్రల్నే చేస్తుంది. 34 ఏళ్ళ వయసు దాటినా.. ఇప్పటికీ అదే గ్లామర్ మెయిన్టైన్ చేస్తున్న ఈ బ్యూటీ .. సోషల్ మీడియాలో కూడా విపరీతమైన ఫ్యాన్ ఫాలోయింగ్ ను సంపాదించుకుంది. ఇదిలా ఉంటే.. తాజాగా ఈ బ్యూటీ మెగా ఆఫర్ ను మిస్ చేసుకుందంటూ సోషల్ మీడియాలో వార్తలు వస్తున్నాయి.

వివరాల్లోకి వెళితే.. మెగాస్టార్, కొరటాల శివ కాంబినేషన్లో రూపొందుతోన్న చిత్రంలో అనసూయను ఓ కీలక పాత్ర కోసం తీసుకున్నారు. అయితే ఇటీవల ఆమె తప్పుకుందని ఫిలింనగర్ వర్గాల సమాచారం. ఈ ప్రాజెక్ట్ కోసం ఈమెను ఎప్పుడో ఫైనల్ చేశారట. అయినప్పటికీ ఈమె తప్పుకుందని సమాచారం రావడం పై కొన్ని అనుమానాలు వ్యక్తమవుతున్నాయి. ‘డేట్స్ కుదరక ఈమె తప్పకుందా.. లేక పాత్ర నచ్చలేదా’ అనే అనుమానాలు వ్యక్తమవుతున్నాయి. మరి అసలు విషయం ఏంటనేది తెలియాల్సి ఉంది.

దర్బార్ సినిమా రివ్యూ & రేటింగ్!
అతడే శ్రీమన్నారాయణ సినిమా రివ్యూ & రేటింగ్!