“పెళ్ళిచూపులు, ఈ నగరానికి ఏమైంది?” చిత్రాల దర్శకుడు తరుణ్ భాస్కర్ ను హీరోగా విజయ్ దేవరకొండ నిర్మించనున్న ఇంకా పేరు పెట్టని చిత్రంలో కథానాయికగా అనసూయను ఫైనల్ చేశారని తెలుస్తోంది. విజయ్ దేవరకొండ ప్రారంభించిన సొంత నిర్మాణ సంస్థ “కింగ్ ఆఫ్ ది హిల్” బ్యానర్ పై రూపొందనున్న మొదటి సినిమా ఇది. చాలా క్రేజీ సబ్జెట్ తో తెరకెక్కనున్న ఈ చిత్రంలో అనసూయ హీరోయిన్ అనేసరికి నిన్నమొన్నటివరకూ లేని అంచనాలు ఒక్కసారిగా పెరిగిపోయాయి. షామీర్ అనే యువకుడు దర్శకుడిగా పరిచయం కానున్న ఈ చిత్రం మరో రెండు నెలల్లో రెగ్యులర్ షూట్ కి వెళ్లనుంది అనేది నిన్నటివరకూ హల్ చల్ చేసిన వార్త.
అయితే.. తాజా సమాచారం మేరకు అనసూయ ప్లేస్ ను “మాయ” ఫేమ్ అవంతిక మిశ్రా రీప్లేస్ చేసిందని తెలుస్తోంది. అల్ట్రా గ్లామరస్ రోల్ కావడంతో అనసూయ కంటే కాస్త యంగ్ హీరోయిన్ అవసరమైందని, అందుకే.. అనసూయ స్థానంలో అవంతికను ఎంపిక చేసుకున్నారని సమాచారం. మరి విజయ్ దేవరకొండ మొదటి ప్రొడక్షన్ సినిమాలో నటించే అవకాశాన్ని కోల్పోవడం పై అనసూయ స్పందించలేదు కానీ.. ఒకవేళ చేస్తే మాత్రం ఇది ఆమె కెరీర్ ను మంచి బూస్ట్ ఇచ్చేదీ.
