అందం.. అనసూయను విడదీయలేము. ఎందుకంటే అంత అందంగా ఉంటుంది కాబట్టి. బుల్లితెరపై తన అందం, కవ్వించే మాట తీరుతో తెలుగు రాష్ట్రాల యువతని ఆకట్టుకుంది. సినీ ప్రముఖులను సైతం ఆకర్షించింది. వెండితెరపై గెస్ట్ పాత్రల్లోనే కాదు.. కీలక పాత్రల్లోనూ మెప్పిస్తోంది. క్షణం సినిమా తర్వాత ఆమె చేసిన మరో గుర్తుండిపోయే పాత్ర రంగమ్మత్త. రంగస్థలంలో తనకంటే ఎక్కువ వయసుండే రోల్లో జీవించేసింది. రామ్ చరణ్, సమంత, జగపతి బాబు.. తర్వాత అనసూయ గురించే ఎక్కువమంది చెప్పుకున్నారు. ఇలా ఆమె క్రేజ్ పెరగడంతో షాపింగ్ మాల్స్ యజమానులు ఆమెతో ప్రారంభోత్సవం నిర్వహిస్తున్నారు. రీసెంట్ గా వైజాక్ లో ఓ షాపింగ్ మాల్ ఓపెనింగ్ కి హాజరైంది. ఆమెను చూసేందుకు అభిమానులు వేల సంఖ్యలో అభిమానులు తరలి వచ్చారు.
ఇంతమంది ఫ్యాన్స్ ని చూసి అనసూయ సంతోషపడింది. కార్యక్రమం అనంతరం మీడియాతో ముచ్చటించింది. మీకు నచ్చిన హీరో ఎవరని అడిగితే.. “నేను ఎంతగానో అభిమానించే హీరో నా భర్తే” అని చెప్పింది. డ్రీమ్ రోల్ గురించి చెప్పమంటే .. తనకు ఎటువంటి డ్రీమ్ రోల్ లేదని స్పష్టం చేసింది. రంగమ్మత్త లా గుర్తింపు తెచ్చే కారెక్టర్లు మరిన్ని చేస్తే చాలని వెల్లడించింది. అలాగే హీరోయిన్స్ గురించి సంచల కామెంట్స్ చేసింది. తాను ఎందులోనూ హీరోయిన్‌కు తక్కువ కాదని, అలాగే ధైర్యంగా ముందుకెళ్లే ప్రతీ మహిళా ఓ హీరోయినేనని చెప్పింది. రంగస్థలం అనసూయ మంచి గుర్తింపుతో పాటు అనేక అవకాశాలను తెచ్చి పెట్టింది. ప్రస్తుతం సాయి ధరమ్ తేజ్ సినిమాతో పాటు మరో నాలుగు చిత్రాలకు సైన్ చేసింది.
Home