మాస్ హీరో సినిమాలో అనసూయ..?

November 11, 2020 / 11:29 AM ISTByFilmy Focus

Join Us

బుల్లితెరపై హాట్ యాంకర్ గా పాపులారిటీ దక్కించుకున్న అనసూయ వెండితెరపై కూడా తన అదృష్టాన్ని పరీక్షించుకుంది. ‘రంగస్థలం’ సినిమాలో రంగమ్మత్తగా కనిపించి ప్రేక్షకులను ఆకట్టుకున్న ఈ బ్యూటీకి వరుస అవకాశాలు వస్తున్నాయి. ప్రస్తుతం కృష్ణవంశీ రూపొందిస్తోన్న ‘రంగమార్తాండ’ సినిమాలో కీలకపాత్ర పోషిస్తోన్న అనసూయ తాజాగా మరో సినిమాకి గ్రీన్ సిగ్నల్ ఇచ్చినట్లు తెలుస్తోంది. మాస్ మహారాజా రవితేజ హీరోగా తెరకెక్కనున్న ‘ఖిలాడీ’ సినిమాలో ఓ పాత్ర కోసం అనసూయని తీసుకున్నట్లు సమాచారం.

రమేష్ వర్మ దర్శకత్వంలో రవితేజ హీరోగా నటించనున్న ఈ సినిమాను రీసెంట్ గా అనౌన్స్ చేశారు. ఫస్ట్ లుక్ పోస్టర్ ని కూడా రిలీజ్ చేశారు. ఈ సినిమా మీనాక్షి చౌదరి, డింపుల్ హయతి హీరోయిన్లుగా కనిపించనున్నారు. అయితే ఈ సినిమాలో ఓ స్పెషల్ రోల్ కోసం అనసూయని తీసుకున్నారట. ఇందులో అనసూయ పాత్ర చాలా హాట్ గా ఉంటుందని చెబుతున్నారు. స్టైలిష్‌గా, మ‌రింత గ్లామ‌రెస్ గా క‌నిపించ‌బోతోంద‌ట‌. ఈ సినిమాతో అనసూయ ఇమేజ్ మరింత పెరిగిపోతుందని చెబుతున్నారు.

ఈ సినిమాకి దేవిశ్రీప్రసాద్ సంగీతం అందించనున్నారు. త్వరలోనే ఈ సినిమా రెగ్యులర్ షూటింగ్ మొదలుకానుంది. ప్రస్తుతం రవితేజ నటించిన ‘క్రాక్’ సినిమా షూటింగ్ పూర్తి చేసుకొని రిలీజ్ కి సిద్ధమవుతోంది.