పవన్ కళ్యాణ్ పక్కన ఆడిపాడనున్న యాంకర్ అనసూయ

టాలీవుడ్ హీరోయిన్లతో సమానంగా ఫాలోయింగ్ సంపాదించుకున్న అందాల యాంకర్ అనసూయకి ఆలస్యంగా జ్ఞానోదయం అయింది. బుల్లి తెరలో ఎంట్రీ ఇచ్చిన కొత్తల్లో ఈ భామకు పవన్ కళ్యాణ్ సరసన డ్యాన్స్ చేసే అవకాశం వచ్చింది. అత్తారింటికి దారేది సినిమాలో పాటలో డ్యాన్స్ చేయమని త్రివిక్రమ్ అడిగినా చేయనని చెప్పింది. పవన్ పవర్ లేట్ గా తెలుసుకొని ఈ సారి ఆ ఛాన్స్ ని మిస్ చేసుకోవద్దని భావించి అడిగిన వెంటనే ఒప్పుకుంది. డాలీ దర్శకత్వంలో పవన్ కళ్యాణ్ ప్రస్తుతం కాటమరాయుడు సినిమా చేస్తున్నారు. కొన్ని రోజుల క్రితం పొల్లాచి షెడ్యూల్ పూర్తి చేసిన చిత్రం బృందం నిన్న అనసూయను కలిసింది.

ఈ చిత్రంలో ఓ ప్రత్యేక గీతంలో నటించాలని కోరింది. ఈ అందాల యాంకర్ వెంటనే ఒప్పేసుకుంది. త్వరలో భారీ సెట్ లో ఈ సాంగ్ ని చిత్రీకరించనున్నారు. సోగ్గాడే చిన్నినాయనా సినిమాలో కింగ్ నాగార్జున తో చిందులు వేసిన అనసూయ రీసెంట్ గా మెగా హీరో సాయి ధరమ్ తేజ్ తో ఓ స్పెషల్ సాంగ్ చేసింది. వీటన్నింటికంటే పవన్ సాంగ్ లో మరింత హాట్ గా ఉంటుందని సమాచారం. మాస్ ఆడియన్స్ పిచ్చెక్కించేలా సంగీత దర్శకుడు అనూప్ రూబెన్స్ అదిరిపోయే పాటను సిద్ధంచేసినట్లు తెలిసింది. ఆ సొగసైన పాటను చూడాలంటే ఉగాది వరకు ఆగాలిసిందే.

Also, do SUBSCRIBE to our YouTube channel to get latest Tollywood updates.