మహానేత, ఆంధ్రప్రదేశ్ దివంగత ముఖ్యమంత్రి వైఎస్ రాజశేఖర్ రెడ్డి జీవిత చరిత్రని “యాత్ర” పేరుతో తెరకెక్కిస్తున్న సంగతి తెలిసిందే. ఈ బయోపిక్ లో వైఎస్ఆర్ పాత్రని మలయాళీ మెగాస్టార్ మమ్ముట్టి పోషిస్తున్నారు. ఇప్పటికే ఫస్ట్ లుక్ విడుదుల చేసిన సంగతి తెలిసిందే. వి రాఘవ్ దర్శకత్వం వహిస్తున్న ఈ సినిమాలో వైఎస్ స్నేహితుడు కెవిపి రామచంద్ర రావు పాత్రలో రావు రమేష్ నటిస్తున్నారు. వైఎస్ కుమార్తె షర్మిల పాత్రలో సీనియర్ హీరోయిన్ భూమిక కనిపించనుంది. శ్రీరెడ్డి బాహుబలి2 చిత్రంతో గుర్తింపు పొందిన ఆశ్రితి వేముగంటి.. విజయమ్మ పాత్రలో నటించబోతోంది. అలాగే తాజాగా మరో కీలక రోల్ కోసం అనసూయని తీసుకున్నారు.
క్షణం చిత్రంలో నెగిటివ్ రోల్ ని ఇరగదీసిన ఈ యాంకర్… రంగస్థలంలో రంగమ్మత్తగా ఆకట్టుకుంది. దీంతో ఆమె కోసం దర్శకనిర్మాతలు క్యూ కట్టారు. యాత్ర సినిమాలో మహిళానేత పాత్ర నచ్చడంతో అనసూయ ఓకే చెప్పినట్లు తెలిసింది. ఇది నిజజీవితంలో కర్నూలు జిల్లాకు చెందిన ఓ పాపులర్ మహిళానేత పాత్ర అని చెప్పుకుంటున్నారు. ఈ సినిమా నిర్మాత విజయ్ విజయ్, ప్రభాస్ మంచి మిత్రులు కావడంతో సినిమా ప్రమోషన్ కార్యక్రమాల్లో ప్రభాస్ పాల్గొంటారని సమాచారం.
Home