టాలీవుడ్ లో స్టార్ యాంకర్ గా గుర్తింపు తెచ్చుకున్న అనసూయ.. ఓ పక్క టీవీ షోలు చేస్తూనే మరోపక్క సినిమాల్లో కూడా నటిస్తోంది. అయితే తన పాత్రల ఎంపిక విషయంలో అనసూయ చాలా జాగ్రత్తలు తీసుకుంటుంది. మొదటి నుండి కూడా విభిన్నమైన పాత్రలను ఎన్నుకుంటూ నటిగా తన ప్రత్యేకతను చాటుకుంటుంది. ‘రంగస్థలం’లో రంగమ్మత్త పాత్రలో, ‘క్షణం’ సినిమాలో పోలీస్ ఆఫీసర్ పాత్రలో కనిపించి మెప్పించింది. ఈ సినిమాలు ఆమె కెరీర్ ని మలుపు తిప్పాయి.
దీంతో ఆమెకి వరుస అవకాశాలు వస్తున్నాయి. తాజాగా హీరో గోపీచంద్-మారుతి కాంబినేషన్ లో రూపొందుతోన్న ‘పక్కా కమర్షియల్’ సినిమాలో అనసూయ నటించబోతుంది. అయితే ఈ సినిమాలో ఆమె వేశ్య పాత్రలో కనిపించనుందని సమాచారం. ఈ విషయానికి సంబంధించి అధికార ప్రకటన రావాల్సివుంది. ఈ సినిమాను యూవీ క్రియేషన్స్, జీఏ2 సంయుక్తంగా నిర్మిస్తున్నాయి. అక్టోబర్ 1న ఈ సినిమాను విడుదల చేయడానికి చిత్రబృందం ప్లాన్ చేస్తోంది. ఈ సినిమాతో పాటు అనసూయ ‘చావు కబురు చల్లగా’ సినిమాలో ఐటెం సాంగ్ లో నటించింది.
అలానే ఆమె నటించిన ‘థాంక్యూ బ్రదర్’ సినిమా త్వరలోనే ప్రేక్షకుల ముందుకు రానుంది. ఈ సినిమాలతో పాటు కృష్ణవంశీ దర్శకత్వంలో ‘రంగమార్తాండ’, రవితేజ నటిస్తోన్న ‘ఖిలాడి’ చిత్రాల్లో నటిస్తోంది.
Most Recommended Video
ఉప్పెన సినిమా రివ్యూ & రేటింగ్!
ఈ 20 సినిమాలకి ఊరి పేర్లనే పెట్టారు..అయితే ఎన్ని హిట్ అయ్యాయి
తెలుగులో క్రేజ్ ఉన్న ఈ 10 యాంకర్ల వయసు ఎంతో మీకు తెలుసా?
